এক বজাৰ শীৰ্ষ দহটা বাতৰি...
মাৰ্কিন ৰাষ্ট্ৰপতি জ’ বাইডেন আৰু উপ ৰাষ্ট্ৰপতি কমলা হেৰিছক সাক্ষাতৰ পিছতে ৰাষ্ট্ৰসংঘৰ সাধাৰণ সভাত অংশগ্ৰহণৰ বাবে নিউয়ৰ্কত উপস্থিত হয় প্ৰধানমন্ত্ৰী মোডী ৷
থাওৰা দখলৰ লক্ষ্যৰে নিৰ্বাচনী প্ৰচাৰত ব্যস্ত ৰাইজৰ দলৰ সভাপতি অখিল গগৈ ৷ ৰাইজৰ দলৰ প্ৰাৰ্থী ধৈৰ্য কোঁৱৰক লগত লৈ প্ৰতিদিনে সমষ্টিটোত কেইবাখনো প্ৰচাৰ সভাত অংশ লৈছে অখিল গগৈয়ে ৷
শুকুৰবাৰে ঘোষিত ভাৰতীয় লোকসেৱা আয়োগৰ 2020 বৰ্ষৰ চূড়ান্ত ফলাফলত 283 তম স্থান লাভ কৰিছে হাইলাকান্দিৰ হাছানুজ্জামান চৌধুৰীয়ে ৷ ইয়াৰ উপৰিও 97 তম স্থান লাভ কৰিছে অসম আৰক্ষীৰ বিশেষ সঞ্চালক প্ৰধান জি পি সিঙৰ কন্যা ঐশ্বৰ্যই ৷
কেন্দ্ৰীয় ট্ৰেড ইউনিয়নসমূহৰ আহ্বানৰ প্ৰতি সঁহাৰি জনাই শুকুৰবাৰে সমগ্ৰ দেশতে পালন কৰা আঁচনিভুক্ত কৰ্মচাৰীসকলৰ ধৰ্মঘটে অসমতো ব্যাপক প্ৰভাৱ পেলোৱা পৰিলক্ষিত হয় । আঁচনিভুক্ত কৰ্মচাৰী অৰ্থাৎ অংগনবাদী কৰ্মী-সহায়িকা, আশাকৰ্মী আৰু ৰন্ধন কৰ্মচাৰীসকলে ধৰ্মঘট পালন কৰি প্ৰতিবাদ সাব্যস্ত কৰে ।
উচ্ছেদ বন্ধ নহয়, চলি থাকিব । এই ঘোষণা মুখ্যমন্ত্ৰী হিমন্ত বিশ্ব শৰ্মাৰ । ছিপাঝাৰৰ গৰুখুটিৰ ঘটনা সন্দৰ্ভত প্ৰতিক্ৰিয়া প্ৰকাশ কৰি শুকুৰবাৰে সংবাদ মাধ্যমৰ আগত মুখ্যমন্ত্ৰীয়ে কয়, এটা দিনৰ বাবে স্তব্ধ থাকিল ধলপুৰৰ উচ্ছেদস্থলী ৷ এই উচ্ছেদ বন্ধ নহয় আৰু চলিব ৷ এয়া খন্তেক জিৰণী ।
ছিপাঝাৰ কাণ্ডৰ সন্দৰ্ভত প্ৰতিক্ৰিয়া প্ৰকাশ কৰিছে সদৌ বিটিচি ধৰ্মীয় সংখ্যালঘু পৰিষদৰ সভাপতি আব্দুল আৱাল মণ্ডলে । চিৰাঙৰ কাজলগাঁৱত বিটিচি ধৰ্মীয় সংখ্যালঘু পৰিষদৰ সভাপতিগৰাকীয়ে এই ঘটনাৰ সন্দৰ্ভত বিধায়ক পদ্ম হাজৰিকাক গ্ৰেপ্তাৰৰ দাবী জনায় ।
শুকুৰবাৰে প্ৰতিবাদত উত্তাল হ’ল ৰাজপথ ৷ ৰাজ্যৰ আশাকৰ্মীসকলক চৰকাৰী কৰ্মচাৰী হিচাপে নিয়োজিত কৰাৰ দাবীত প্ৰতিবাদত উত্তাল হ’ল ডিব্ৰুগড় ৷ সদৌ অসম আশা কৰ্মী সন্থাৰ কৰ্মীসকলৰ দাবী, আঁচনিভুক্ত শ্ৰমিকক প্ৰদান কৰক মাহিলী ২১ হাজাৰ টকাকৈ দৰমহা ৷
প্ৰসংগ গৰুখুটি কাণ্ড, ৰাজ্যৰ চৌদিশে প্ৰতিবাদী কাৰ্যসূচী ৰূপায়ন আমছুৰ ৷ দাহ কৰিলে মুখ্যমন্ত্ৰী ড৹ হিমন্ত বিশ্ব শৰ্মাৰ পুত্তলিকা ৷ অমানৱীয়ভাৱে গুলিবর্ষণ কৰি তিনিজনক হত্যাৰ অভিযোগ তুলি আমছুৰ প্ৰতিবাদ ৷ পুনৰ সংস্থাপন অবিহনে উচ্ছেদ বন্ধ কৰাৰ দাবী জনাইছে আমছুৱে ৷
আৰক্ষীৰ নিৰন্তৰ অভিযানৰ মাজতো ৰাজ্যত প্ৰতিদিনে চলিয়েই আছে নিচাজাতীয় সামগ্ৰীৰ সৰবৰাহ ৷ ইয়াৰ মাজতে পেঙেৰীত আৰক্ষীৰ অভিযানত জব্দ হয় প্ৰায় 200 কাৰ্টন অৰুণাচলী সুৰা ৷
ত্ৰিপুৰা বিধানসভাত উত্থাপন হৈছে দশকজোৰা বিদ্ৰোহৰ প্ৰসংগ । শাসকীয় দলৰ এগৰাকী বিধায়কে উত্থাপন কৰিছে বিষয়টো । বিধায়কৰ প্ৰতি সঁহাৰি জনাই মুখ্যমন্ত্ৰীয়েও বিশেষ ঘোষণা কৰিলে । যি ঘোষণাই কিছু পৰিমাণে আনন্দিত কৰি তুলিছে ত্ৰিপুৰাবাসীক । পিছে মুখ্যমন্ত্ৰীয়ে কি ঘোষণা কৰিলে সদনৰ মজিয়াত ?
