5 বজাৰ শীৰ্ষ 10 টা বাতৰি...

5 বজাৰ শীৰ্ষ 10 টা বাতৰি...

বটদ্ৰৱাৰ বিজেপি বিধায়িকা আঙুৰলতাৰ সমষ্টিত বুধবাৰে নিৰ্বাচনী ৰণশিঙা বজালে কংগ্ৰেছে । উক্ত নিৰ্বাচনী সভাত অংশগ্ৰহণ কৰি বিজেপি এতিয়া ডুবু ডুবু নাওঁ বুলি কটাক্ষ কৰে প্ৰাক্তন মন্ত্ৰী ৰকিবুল হুছেইনে । বিজেপিৰ দিনতে পৰীক্ষাৰ ছিণ্ডিকেট চলা বুলি দলটোক কঠোৰ সমালোচনা কৰে কলিয়াবৰৰ সাংসদ গৌৰৱ গগৈয়ে ৷

যোৰহাটৰ তিতাবৰত গাঁওৰক্ষী বাহিনীৰ মাজত টৰ্চ লাইট বিতৰণ ৷ এই পদক্ষেপ গ্ৰহণ কৰিছে ঠেঙাল-কছাৰী স্বায়ত্ব শাসিত পৰিষদে ৷

ৰাজ্যিক নিৰ্বাচন আয়োগে তিৱা স্বায়ত্ব পৰিষদৰ নিৰ্বাচনৰ দিন ঘোষণা কৰাৰ লগে লগে সমুখ সমৰত নামিবলৈ সাজু হৈ পৰিছে শাসক-বিৰোধী উভয় পক্ষ ৷ 17 ডিচেম্বৰত অনুষ্ঠিত হ’ব তিৱা স্বায়ত্ব শাসিত পৰিষদৰ নিৰ্বাচন ৷ মনোনয়ন পত্ৰ দাখিলৰ অন্তিম দিন 25 নবেম্বৰ ৷

সাংস্কৃতিক গোষ্ঠী ৰিদমৰ ব্যতিক্ৰমী পদক্ষেপ ৷ সৰভোগৰ ওভাৰ ব্ৰীজখনত চিত্ৰ অংকন কৰি ৰাইজৰ দৃষ্টি আকৰ্ষণ কৰিছে সাংস্কৃতিক গোষ্ঠীটোৰ সদস্য সকলে ৷ অসমৰ বিভিন্ন ঠাইত থকা দলং,ওভাৰ ব্ৰীজ তথা দেৱালত ব্যক্তিগত খণ্ডৰ বিভিন্ন বিজ্ঞাপন দেখিবলৈ পোৱা যায় ৷ কিন্তু বিজ্ঞাপনৰ পৰিৱৰ্তে এইবাৰ সৰভোগৰ ওভাৰ ব্ৰীজ তথা ৰাজহুৱা দেৱালত দেখিব কিছু ব্যতিক্ৰমী ছবি ৷

গুৱাহাটী প্ৰেছ ক্লাবত ২০১৩ চনত প্ৰাদেশিকৃত অসমৰ প্ৰাথমিক বিদ্যালয়সমূহৰ অপ্ৰাদেশিকৃত শিক্ষকৰ সংবাদমেল ৷ শীঘ্ৰে পদ প্ৰাদেশিকীকৰণৰ দাবী ৷

‘Bihar Election Watch and Association for Democratic Reforms’ চমুকৈ ADR এ প্ৰকাশ কৰা অনুসৰি বিহাৰ মন্ত্ৰীসভাত নতুনকৈ শপতগ্ৰহণ কৰা 8 গৰাকীকৈ মন্ত্ৰীৰ বিৰুদ্ধে ৰুজু হৈ আছে বিভিন্নধৰণৰ অপৰাধজনিত গোচৰ ৷ লক্ষ্যণীয়ভাৱে এই 14 গৰাকী মন্ত্ৰীয়েই এন ডি এ(NDA)ৰ মিত্ৰদল ৷

লখিমপুৰ নাৰায়ণপুৰত শ্ৰী কৃষ্ণ ৰাসলীলাৰ পূৰ্ণ প্ৰস্তুতি ৷ 29 আৰু 30 নৱেম্বৰত নাৰায়ণপুৰৰ জয়পুৰ পিছলাত অনুষ্ঠিত হ'ব শ্ৰী শ্ৰী কৃষ্ণৰ পূৰ্ণাংগ ৰাসলীলা ৷ জিলা প্ৰশাসনৰ অনুমতি সাপেক্ষে ক'ভিড প্ৰট'কল ৰক্ষা কৰি অনুষ্ঠিত কৰা হ'ব ৰাসোৎসৱ ৷

কেন্দুগুৰিত সংঘটিত ভয়ংকৰ পথ দুৰ্ঘটনা ৷ দুৰ্ঘটনাটোত আহত এগৰাকী ব্যক্তিক সংকটজনক অৱস্থাত ভৰ্তি কৰোৱা হৈছে চিকিৎসালয়ত ৷ এখন তীব্ৰ বেগী বাছে মটৰ চাইকেল আৰোহীক খুন্দিওৱাৰ ফলত দুৰ্ঘটনাটো সংঘটিত হয় ৷

নাগৰিকত্ব সংশোধনী আইন বাতিল, নাগৰিকত্ব সংশোধনী আইনৰ বিৰোধিতা কৰা কাৰাবন্দীৰ মুক্তি, চূড়ান্ত এনআৰচি প্ৰকাশ প্ৰক্ৰিয়া সম্পূৰ্ণ কৰা আৰু সাম্প্ৰদায়িকতাৰ ৰাজনীতি বন্ধ কৰা আদি কেইবাটাও দাবীত বুধবাৰে কলগাছিয়াত মানৱ শৃংখল কাৰ্যসূচী পালন কৰে কেইবাটাও স্থানীয় দল-সংগঠনে ৷

পুনৰবাৰ মুম্বাই আৰক্ষীৰ চমন জাৰি বলিউদৰ অভিনেত্ৰী কংগনা ৰানাৱট আৰু ভগ্নী ৰংগোলী চান্দেললৈ ৷ 23 নৱেম্বৰত আৰক্ষীৰ সন্মুখত হাজিৰ হ'বৰ বাবে নিৰ্দেশ দুই ভগ্নীক ৷