3 বজাৰ শীৰ্ষ দহটা বাতৰি...

3 বজাৰ শীৰ্ষ দহটা বাতৰি...

তেজপুৰত অনুষ্ঠিত কুমাৰী পূজা । 9 গৰাকী কুমাৰীক নৱৰূপা দুৰ্গাৰ ৰূপত পৰম্পৰাগত ভাৱে পূজা-অৰ্চনা আগবঢ়োৱা হয় ।

মৰিগাঁৱত সৌন্দৰ্য বৰ্ধনৰ নামত পৰিত্যক্ত পদুম পুখুৰী । জাৱৰ-জোথৰ পেলোৱা নৰ্দমালৈ পৰ্যবসিত ঐতিহ্যমণ্ডিত মৰিগাঁৱৰ পদুম পুখুৰী ৷

দেওবাৰে বিজয়া দশমী উপলক্ষে দাৰ্জিলিঙৰ যুদ্ধ স্মাৰকত শ্বহীদক শ্ৰদ্ধা অৰ্পন কৰে প্ৰতিৰক্ষা মন্ত্ৰী ৰাজনাথ সিঙে ৷ আনহাতে চুকনা চেৰাথাংস্থিত সেনাৰ চাউনীত ‘শস্ত্ৰ পূজা’ত ভাগ লয় প্ৰতিৰক্ষা মন্ত্ৰী ৰাজনাথ সিঙে ৷

দুৰ্গা পূজাৰ আনন্দ-উল্লাসৰ মাজত ৰঙাপৰাত অঘটন ৷ বনৰীয়া হাতীৰ আক্ৰমণত এজনৰ মৃত্যু ৷ দীৰ্ঘদিনে অঞ্চলটোত অব্যাহত আছে হস্তী-মানৱৰ সংঘাত ৷

হোজাইত বন্যহস্তীৰ আক্ৰমণত প্ৰাণ গ'ল এজন লোকৰ ৷ ঘটনা স্থলীত আৰক্ষী উপস্থিত হৈ উদ্ধাৰ কৰে মৃতদেহটো ৷

নলবাৰীৰ বিল্বেশ্বৰ দেৱালয়ত নৱমী পূজা আৰম্ভ ৷ ক'ভিড-19 ৰ বাবে আধ্যাত্মিকতা ৰক্ষাৰ বাবে মাত্ৰ 1 টা মহ বলি দিয়া হয় দেৱালয়খনত ৷

ভাৰতত কৰ’ণা ভাইৰাছত আক্ৰান্তৰ সংখ্যা 78,64,811 গৰাকীলৈ বৃদ্ধি হৈছে ৷ এই পৰ্যন্ত ভাইৰাছবিধত আক্ৰান্ত হোৱাৰ পিছত আৰোগ্য লাভ কৰিছে প্ৰায় 70 লাখ লোকে ৷ এই তথ্য প্ৰকাশ কৰিছে কেন্দ্ৰীয় স্বাস্থ্য মন্ত্ৰালয়ে ৷ দেশখনত ভাইৰাছবিধত আক্ৰান্ত হৈ মৃত্যুক সাৱটিছে 1,18,534 গৰাকীয়ে ৷ সম্প্ৰতি 6,68,154 গৰাকী ব্যক্তি কৰ’ণাত আক্ৰান্ত হৈ আছে ৷

বাঘজানৰ জুই নিৰ্বাপনৰ দায়িত্ব বিদেশী প্ৰতিষ্ঠানক ৷ বিমানযোগে অনা হ'ল বিশেষ সা-সঁজুলি ৷ আশাবাদী বাঘজানবাসী ৷

দেওবাৰে নাগপুৰস্থিত আৰএছএছৰ মুখ্য কাৰ্যালয়ৰ মহৰ্ষি ব্যাস প্ৰেক্ষাগৃহত অনুষ্ঠিত বাৰ্ষিক দশমী কাৰ্যসূচীত ভাগ লৈ আৰএছএছ প্ৰধান মোহন ভাগৱতে বিগত এবছৰত সংঘটিত বিভিন্ন উল্লেখযোগ্য ঘটনা বিষেষকৈ লাডাখৰ ভাৰত-চীনৰ সীমা বিবাদ সন্দৰ্ভত মন্তব্য কৰে ৷ লগতে আৰএছএছ প্ৰধানে ৰাজনীতি,সমাজ,ৰাষ্ট্ৰীয় সুৰক্ষা আৰু পৰিয়ালকেন্দ্ৰিক মূল্যৰ দ্বাৰা সম্বন্ধিত বিভিন্ন সমস্যা সন্দৰ্ভত নিজৰ বক্তব্য ৰাখে ৷

নৱমীৰ দিনা এই গ্ৰন্থ উন্মোচন কৰে উত্তৰ কাছাৰ পাৰ্বত্য স্বায়ত্ব শাসিত পৰিষদৰ প্ৰধান সচিব অমিতাভ ৰাজখোৱাই ৷