কোকৰাঝাৰত ইউপিপিএল সমৰ্থকৰ বাহনত দুষ্কৃতিকাৰীৰ আক্ৰমণ
কোকৰাঝাৰ চহৰৰ নাতিদূৰৈৰ বেচৰগাঁৱত মঙলবাৰে নিশা ৯-৩০ মান বজাত দুষ্কৃতিকাৰীয়ে আক্ৰমণ চলাই ইউপিপিএল সমৰ্থকে ব্যৱহাৰ কৰা গাড়ী ভাঙি পেলায় ৷ আক্ৰমণকাৰী দলটোৰ দুজনক ৰাইজে আটক কৰি আৰক্ষীক চমজাই দিয়ে ৷ কোকৰাঝাৰৰ পাটগাঁঁও ঝাৰবাৰীত দুষ্কৃতিকাৰীৰ আক্ৰমণত তিনিজন বিপিএফৰ সমৰ্থক আহত হোৱা বুলি জানিব পৰা গৈছে ৷
ইভিএমক কেন্দ্ৰ কৰি পশ্চিম গুৱাহাটীত উত্তপ্ত পৰিস্থিতি
পশ্চিম গুৱাহাটীৰ ধাৰাপুৰত উত্তপ্ত পৰিস্থিতি ৷ নিৰ্বাচনী বিষয়াৰ বাহনত EVM থকাক লৈ সৃষ্টি হয় উত্তপ্ত পৰিস্থিতি ৷ বাহনখন প্ৰিজাইডিং অফিচাৰৰ বাহন আছিল ৷ জানিব পৰা মতে, স্থানীয় একাংশ লোকে বাহনখন ঘেৰাও কৰে ক্ষোভ প্ৰকাশ কৰে আৰু বাহনখন একাংশ উত্তেজিত লোকে ভাঙি লণ্ড-ভণ্ড কৰে ৷
বিজেপিৰ বিৰুদ্ধে সুজাতা মণ্ডল খানৰ বিস্ফোৰক অভিযোগ
আৰামবাগৰ তৃণমূলৰ প্ৰাৰ্থী সুজাতা মণ্ডল খানৰ ওপৰত সন্দেহজনক লোকৰ আক্ৰমণ ৷ এই আক্ৰমণ বিজেপিয়ে কৰাৰ অভিযোগ সুজাতা মণ্ডলৰ ৷ তদুপৰি কেইবাটাও বিস্ফোৰক অভিযোগ সুজাতাৰ মণ্ডলৰ ৷ আৰামবাগৰ 263 আৰু 263 (A) ভোটগ্ৰহণ কেন্দ্ৰত উত্তপ্ত পৰিস্থিতি ৷
২৮ বছৰ পাচত ডি ভোটাৰে সাব্যস্ত কৰিলে ভোটাধিকাৰ
সুদীৰ্ঘ ২৮ বছৰ পাচত গণতান্ত্ৰিক অধিকাৰ সাব্যস্ত কৰে আচমা খাতুন নামৰ এগৰাকী মহিলাই । জনীয়া বিধানসভা সমষ্টিৰ অন্তৰ্গত সালেকুৰা এল পি স্কুল ভোট গ্ৰহণ কেন্দ্ৰত ভোটাধিকাৰ সাব্যস্ত কৰে আচমা খাতুনে ।
ধুবুৰীৰ গৌৰীপুৰত ইভিএমক লৈ উত্তপ্ত পৰিস্থিতি
ধুবুৰীৰ গৌৰীপুৰত ই ভি এমক লৈ উত্তপ্ত পৰিস্থিতি ৷ নিৰাপত্তাৰক্ষী নোহোৱাকৈ ইভিএম লৈ গৈ থকা অৱস্থাত ৰাইজৰ ৰোষত পৰিল ছেক্টৰ বিষয়া ৷