1 বজাৰ শীৰ্ষ দহটা বাতৰি...

1 বজাৰ শীৰ্ষ দহটা বাতৰি...

সোমবাৰে চৰকাৰে প্ৰকাশ কৰা তথ্য অনুসৰি, ২০২০-২১ বৰ্ষত ভাৰতৰ মুঠ ঘৰুৱা উৎপাদন (Gross Domestic Product)ৰ বৃদ্ধি ৭.৩ শতাংশ হ্ৰাস পাইছে । ২০১৯-২০ বৰ্ষত ভাৰতৰ মুঠ ঘৰুৱা উৎপাদন(GDP)ৰ সংকোচনৰ হাৰ আছিল ৪ শতাংশ ।

এছিয়ান বক্সিং চেম্পিয়নশ্বিপ(Asian Boxing Championship)ত বঞ্জৰ পদক অৰ্জন কৰিলে অসম কন্যা লাভলীনা বৰগোহাঁয়ে(Lovlina Borgohain) । এই সাফল্যৰ পিছতে বক্সাৰগৰাকীক অভিনন্দন জনালে বিভিন্ন দল-সংগঠনে । ৬৯ কিলোৰ শাখাত বঞ্জৰ পদক লাভ কৰে লাভলীনাই ।

ক'ভিড-১৯ মহামাৰীৰ কবলৰ পৰা মুক্ত হোৱাৰ পিছতো বহু ৰোগীয়ে স্বাস্থ্যজনিত সমস্যাত ভোগে । কিন্তু উপযুক্ত চিকিৎসা লাভ কৰাৰ পৰা বঞ্চিত হ'বলগীয়া হয় আৰু বিভিন্ন সমস্যাৰ সন্মুখীন হয় । সেয়ে, এনে ৰোগীক চিকিৎসা প্ৰদানৰ বাবে পদক্ষেপ গ্ৰহণ কৰিছে এইছ এ এম এম হাস্পতাল(Haji Abdul Majid Memorial Hospital and research centre) কৰ্তৃপক্ষই ।

চামগুৰিৰ এটি দুৰ্ভগীয়া পৰিয়ালক প্ৰয়োজন আপোনাৰ সহায়ৰ ৷ কণ-কণ তিনিটি সন্তানৰ সৈতে থকা মজিবুৰ ৰহমানৰ সুখৰ সংসাৰলৈ হঠাৎ নামি আহিল অন্ধকাৰ ৷ পৰিয়ালটোৰ মূল উপাৰ্জনকাৰী মজিবুৰ ৰহমান দীৰ্ঘদিনে জটিল ৰোগত আক্ৰান্ত হৈ থকাত চিকিৎসাৰ বাবে সকলো হেৰুৱাই সৰ্বহাৰা হৈছে পৰিয়ালটো ৷

মুকালমুৱাৰ জয়সাগৰত বজ্ৰপাত পৰি গুৰুতৰ ভাৱে আহত এগৰাকী কিশোৰী । সংকট জনক অৱস্থাত জিএমচিএইছলৈ প্ৰেৰণ কৰা হৈছে আহত কিশোৰী গৰাকীক ৷

মঙলবাৰে ৰাতিপুৱা কৰিমগঞ্জৰ নন্দপুৰৰ পৰা গৈ থকা এখন বলেৰ' বাহন দুৰ্ঘটনাত পতিত হয় ৷ দ্ৰুত গতিত গৈ থকা অৱস্থাত বাহনখন ডিভাইদাৰত খুন্দা মৰাত পঞ্চাশ মিটাৰ দূৰত চিটিকি পৰে ৷ যাৰ ফলত বাহনখনত থকা পাঁচ গৰাকী যাত্ৰী গুৰুতৰভাৱে আহত হয় ৷

বৰপেটাত ক’ভিড আক্ৰান্ত লোকৰ সংখ্যা ৫,৭০০ গৰাকীলৈ বৃদ্ধি ৷ ইপিনে জিলাখনত ৩,৪৫৫ গৰাকী ৰোগীয়ে আৰোগ্য লাভ কৰিছে ৷ সোমবাৰৰ দিনটোত বৰপেটাত চিকিৎসাধীন ৰোগীৰ সংখ্যা ২,১০৬ গৰাকী ৷ ইয়াৰ বিপৰীতে নলবাৰীত আক্ৰান্ত হোৱা ৰোগীৰ সংখ্যা 5,193 গৰাকী ৷ সোমবাৰৰ দিনটোত আক্ৰান্তৰ সংখ্যা 84 গৰাকী ৷ জিলাখনত বৰ্তমান আক্ৰান্ত হৈ আছে 1,401 গৰাকী লোক ৷ হোম আইচ’লেচনত আছে 1,167 গৰাকী ৷

প্ৰজননৰ সময়ত ধণেশ পক্ষীৰ সুৰক্ষা সুনিশ্চিত কৰিবলৈ কেতবোৰ পদক্ষেপ গ্ৰহণ কৰিছ ত্ৰিপুৰা বন বিভাগে । তেলীয়ামুৰা আৰু কল্যাণপুৰৰ বহু স্থানত জনাঞ্চলত থকা গছতে বাহ সাজিছে ধণেশ পক্ষীয়ে(HORNBILL) । সেয়ে পক্ষীবোৰৰ সুৰক্ষাৰ বাবে বন বিভাগে পৰ্যবেক্ষক হিচাপে কেইবাগৰাকীও স্বেচ্ছাসেৱকক নিয়োজিত কৰিছে ।

বৃহস্পতিবাৰৰ পৰা কাৰ্যক্ষম হ'ব চিৰাঙৰ কাজলগাঁৱৰ অক্সিজেন উৎপাদন প্ৰকল্প(Oxygen production plant) । জে এছ বি অসামৰিক চিকিৎসালয়ত স্থাপন কৰা হৈছে এই প্ৰকল্পটো । লগতে নিৰ্মাণ কৰা হৈছে ৩০টা আই চি ইউ(ICU) কক্ষ ।

মৰিগাঁৱৰ মৈৰাবাৰী বজাৰত অব্যাহত আছে চোৰৰ তাণ্ডৱ ৷ শেহতীয়াকৈ বজাৰখনৰ এখন সোণাৰীৰ দোকানত সংঘটিত হৈছে চুৰি কাণ্ড ৷ ইফালে, অঞ্চলটোৰ একাংশ ড্ৰাগছ আসক্ত যুৱকে ড্ৰাগছ ক্ৰয় কৰিবলৈ ধন গোটাব নোৱাৰি এনেদৰে চুৰিকাৰ্যত লিপ্ত হোৱাৰ সন্দেহ প্ৰকাশ কৰিছে স্থানীয় একাংশ লোকে ৷