মালিগাঁৱত বৰঘৰত বনৰজা !

বাঘৰ আক্ৰমণত গুৰুতৰ ভাৱে আহত পতি-পত্নী

গুৱাহাটী,৯ মাৰ্চঃ মালিগাঁৱৰ আদিংগিৰি শংকৰদেৱ নগৰত নাহৰফুটুকীৰ সন্ত্ৰাস ৷ শনিবাৰে এটা নাহৰফুটুকীৰ আক্ৰমণত গুৰুতৰভাৱে আহত হয় মালিগাঁৱৰ এহাল দম্পতী ৷ ঘৰৰ ভিতৰত প্ৰৱেশ কৰি নাহৰফুটুকীটোৱে আক্ৰমণ কৰে দম্পতিহালক । সম্প্ৰতি সংকটজনক অৱস্থাত সঞ্জিৱনী হাস্পতালৰ ICUত চিকিৎসাধীন হৈ আছে আহত দম্পতিহাল ৷ আহত দুগৰাকীৰ নাম জানিব পৰা মতে,দীপক হুজুৰি আৰু কমলা হুজুৰি । দীপক হুজুৰি এগৰাকী কৃষি বিভাগৰ কৰ্মচাৰী । ইফালে ঘটনাস্থলিত বহু পলমকৈ উপস্থিত হয় জালুকবাৰী আৰক্ষী । অৱশেষত ,বন বিভাগৰ লোকে ট্ৰেংকুলাইছ কৰি লৈ যায় নাহৰফুটুকীটো ।