শ্বেতা হত্যাকাণ্ডৰ ৰায়ত সুখী ভৰলুমুখ আৰক্ষী

অৱশেষত ন্যায় পালে শ্বেতা আগৰৱালাৰ পৰিয়ালে ৷ শ্বেতাৰ হত্যাকাণ্ড সন্দৰ্ভত ক্ষিপ্ৰতাৰে তদন্ত চলোৱা ভৰলুমুখ আৰক্ষী থানাৰ বিষয়া ভাৰপ্ৰাপ্ত বিষয়া মণিকান্ত চমুৱাই সকলো বিষয়াকে জনালে ধন্যবাদ ৷

গুৱাহাটী,3 আগষ্টঃ ২০১৭ চনৰ ৪ ডিচেম্বৰত প্ৰেমিক গোৱিন্দ সিংঘালে মাতৃ কমলা দেৱী আৰু ভগ্নী ভৱানী সিংঘালৰ সৈতে মিলি ভৰলুমুখৰ নিজ গৃহতে শ্বেতাক হত্যা কৰি জ্বলাই দিছিল ৷ ভৰলুমুখ আৰক্ষীয়ে অগ্নিদগ্ধ অৱস্থাত শ্বেতাৰ মৃতদেহ উদ্ধাৰ কৰি আৰম্ভ কৰিছিল তদন্ত প্ৰক্ৰিয়া ৷ অতি ক্ষিপ্ৰতাৰে আৰক্ষীয়ে চলাইছিল তদন্ত । অভিযোগনামাত ৰৈ যোৱা নাছিল কোনো ক্ৰুটি । ইফালে আদালতৰ এই ৰায়ত সুখী ভৰলুমুখ আৰক্ষী থানাৰ ভাৰপ্ৰাপ্ত আৰক্ষী বিষয়া মণিকান্ত চামুৱা। ঘটনাৰ তদন্তৰ লগত জড়িত সকলো বিষয়াকে ধন্যবাদ জনালে ভাৰ‌প্ৰাপ্ত আৰক্ষীগৰাকীয়ে।