ভিডিঅ' শ্বেয়াৰ কৰি আত্মহত্যা ছাত্ৰৰ

whatsappৰ statusত দুটা ভিডিঅ' শ্বেয়াৰ কৰি আত্মহত্যা ছাত্ৰৰ ৷ শৰাইঘাট দলঙৰ পৰা জপিয়াই আত্মহত্যা হাজোৰ নিতুল দাস নামৰ এগৰাকী ছাত্ৰৰ ৷ প্ৰেমজনিত কাৰণতে এই ঘটনা সংঘটিত হোৱাৰ সন্দেহ পৰিয়ালৰ

গুৱাহাটী, 9 জুলাই : শৰাইঘাটত পুনৰ চাঞ্চল্যকৰ আত্মহত্যাৰ ঘটনা । শৰাইঘাট দলঙৰ পৰা জপিয়াই আত্মহনন হাজোৰ নিতুল দাস নামৰ এগৰাকী ছাত্ৰৰ । আত্মহত্যাৰ পূৰ্বে whatsappৰ statusত দুটা ভিডিঅ' শ্বেয়াৰ কৰিছিল নিতুলে । ব্ৰহ্মপুত্ৰত আত্মহত্যা কৰিম বুলি ভিডিঅ'যোগে কৈছিল ছাত্ৰগৰাকীয়ে । পাচত বন্ধু বৰ্গই ভিডিঅ'টো দেখি ছাত্ৰজনক যোগাযোগ কৰে যদিও সংযোগ কৰিবলৈ সক্ষম নহ’ল । উপায়ন্তৰ হৈ পৰিয়াল আৰু বন্ধু-বান্ধৱসকলে খবৰ দিয়ে জালুকবাৰী আৰক্ষীক । ইফালে, শৰাইঘাট দলঙৰ ওপৰত উদ্ধাৰ হৈছে নিতুলৰ জোতা, টুপী, আৰু ছাতি । প্ৰেমজনিত কাৰণতে এই ঘটনা সংঘটিত হোৱাৰ সন্দেহ পৰিয়ালৰ । তাৰোপৰি ছাত্ৰজনে আত্মগোপন কৰিব পাৰে বুলিও সন্দেহ প্ৰকাশ কৰে পৰিয়ালে । উল্লেখযোগ্য যে, ইতিমধ্যেই জালুকবাৰী আৰক্ষী আৰু নদী আৰক্ষীয়ে আৰম্ভ কৰিছে ঘটনাৰ তদন্ত । আৰক্ষীৰ তদন্তৰ পাচতহে পোহৰলৈ আহিব ছাত্ৰজনে এক নাটক ৰচনা কৰি আত্মগোপন কৰিলে নে আত্মহত্যাৰ দৰে চৰম পন্থা অৱলম্বন কৰিলে ।