গুৱাহাটী,৮ ফেব্ৰুৱাৰী: ৰাজ্যৰ বিধানসভা নিৰ্বাচনৰ পূৰ্বে সোমবাৰে অসম আৰক্ষীৰ শীৰ্ষ পৰ্যায়ত ব্যাপক সাল-সলনি ঘটাইছে গৃহ বিভাগে । সেই অনুসৰি অসম আৰক্ষীৰ মুখ্য কাৰ্যালয়স্থিত লামহাও ডুংগেলক পুলিচ কমিচনাৰেট গুৱাহাটীৰ সহকাৰী উপ-আৰক্ষী আয়ুক্ত (অপৰাধ) শাখাৰ দায়িত্ব দিয়া হৈছে । পুলিচ কমিচনাৰেট গুৱাহাটীৰ সহকাৰী উপ-আৰক্ষী আয়ুক্ত (সীমান্ত) অমৰ চৌধুৰীক শোণিতপুৰৰ অতিৰিক্ত আৰক্ষী অধীক্ষক পদলৈ বদলি কৰা হৈছে । আনহাতে, শোণিতপুৰৰ অতিৰিক্ত আৰক্ষী অধীক্ষক নুমল মাহাতোক পুলিচ কমিচনাৰেট গুৱাহাটীৰ সহকাৰী উপ-আৰক্ষী আয়ুক্ত (পশ্চিম)ৰ দায়িত্বভাৰ অৰ্পণ কৰা হৈছে ।
শিৱসাগৰৰ লিগিৰী পুখুৰীস্থিত 25th AP(ONGC) বেটেলিয়নৰ দ্বিতীয় অধিনায়ক বিতুল চেতিয়াক ডিব্ৰুগড়ৰৰ অতিৰিক্ত আৰক্ষী অধীক্ষক (HQ)হিচাপে বদলি কৰা হৈছে । অসম আৰক্ষীৰ মুখ্য কাৰ্যালয়ৰ আছিফ আহমেদক কামৰূপৰ অতিৰিক্ত আৰক্ষী অধীক্ষক(HQ) পদলৈ, কামৰূপৰ অতিৰিক্ত আৰক্ষী অধীক্ষক সঞ্জীৱ কুমাৰ শইকীয়াক পুলিচ কমিচনাৰেট গুৱাহাটীৰ সহকাৰী উপ-আৰক্ষী আয়ুক্ত(ADMN.) পদলৈ, পুলিচ কমিচনাৰেট গুৱাহাটীৰ সহকাৰী উপ-আৰক্ষী আয়ুক্ত (ADMN.) পণজিৎ দুৱৰাক মান্দাকাটাস্থিত কামাণ্ডো বেটেলিয়নৰ সহ-অধিনায়ক পদলৈ বদলি কৰা হৈছে ।
একেদৰে যোৰহাটৰ অতিৰিক্ত আৰক্ষী অধীক্ষক প্ৰকাশ সোণোৱালক কাৰ্বি আংলঙৰ অতিৰিক্ত আৰক্ষী অধীক্ষক(HQ) হিচাপে বদলি কৰাৰ লগতে কাৰ্বি আংলঙৰ অতিৰিক্ত আৰক্ষী অধীক্ষক ইন্দ্ৰনীল বৰুৱাক ডিমা হাছাওৰ অতিৰিক্ত আৰক্ষী অধীক্ষক হিচাপে বদলি কৰা হৈছে । ডিমা হাছাওৰ অতিৰিক্ত আৰক্ষী অধীক্ষক মানৱেন্দ্ৰ গগৈক যোৰহাটৰ অতিৰিক্ত আৰক্ষী অধীক্ষক পদলৈ, পুলিচ কমিচনাৰেট গুৱাহাটীৰ সহকাৰী উপ-আৰক্ষী আয়ুক্ত (যান-বাহন) মৃণ্ময় গোস্বামীক যোৰহাটৰ অতিৰিক্ত আৰক্ষী অধীক্ষক(HQ) পদলৈ, কাহিলীপাৰাৰ চতুৰ্থ অসম আৰক্ষী বেটেলিয়নৰ দ্বিতীয় অধিনায়ক মাধুৰীমা দাসক পুলিচ কমিচনাৰেট গুৱাহাটীৰ সহকাৰী উপ-আৰক্ষী আয়ুক্ত (traffic) পদলৈ, পুলিচ কমিচনাৰেট গুৱাহাটীৰ সহকাৰী উপ-আৰক্ষী আয়ুক্ত (west) সুপ্ৰতিভ লাল বৰুৱাক কাহিলীপাৰাস্থিত দশম আৰক্ষী বেটেলিয়নৰ দ্বিতীয় অধিনায়ক হিচাপে বদলি কৰা হৈছে ।