বিপদ সীমাৰ ওপৰেদি বৈছে ব্ৰহ্মপুত্ৰৰ নৈ-উপনৈ

কেন্দ্ৰীয় জল আয়োগে সোমবাৰে জাৰি কৰা তথ্য অনুসৰি যোৰহাট জিলাৰ নিমাতীঘাটত ব্ৰহ্মপুত্ৰ বিপদ সীমাৰ ওপৰত বৈ থকাৰ বিপৰীতে গোলাঘাটৰ নুমলীগঢ়ত ধনশিৰী,শোণিতপুৰত জীয়া ভৰালী নদী বিপদ সীমাৰ ওপৰেৰে বৈছে। কেবাদিন ধৰি হোৱা ধাৰাষাৰ বৰষুণৰ পিচতে ক্ৰমান্বয়ে উফন্দি উঠিছে ব্ৰহ্মপুত্ৰ আৰু ইয়াৰ উপনৈ সমূহৰ জলপৃষ্ঠ ৷ ইতিমধ্যেই ব্ৰহ্মপুত্ৰকে ধৰি কেইখনো নৈ উপনৈ বৈছে বিপদ সীমাৰ ওপৰেৰে ৷

গুৱাহাটী, 8 জুলাইঃ গুৱাহাটীত প্ৰতি ঘণ্টাত ১ ছেঃ মিঃকৈ বৃদ্ধি পাইছে ব্ৰহ্মপুত্ৰৰ জলস্তৰ ৷ ৰাজ্যত বছৰৰ প্ৰথমটো বানে কেইবাখনো জিলাত সংহাৰী ৰূপ ধাৰণ কৰিছে ৷ বানৰ কৱলত পৰিছে ৰাজ্যৰ সহস্ৰাধিক লোক। ইফালে উজনিৰ পৰা নামনিলৈকে ধাৰাসাৰ বৰষুণৰ ফলত ব্ৰহ্মপুত্ৰকে ধৰি কেইবাখনো সৰু-বৰ নদী বিপদ সীমাৰ ওপৰেৰে সৰু-বৰ নদী বিপদ সীমাৰ ওপৰেৰে বৈছে ৷

গুৱাহাটীত ব্ৰহ্মপুত্ৰ নদীৰ জলস্তৰ বিপদ সীমা স্পৰ্শ কৰিবলৈ এতিয়াও কিছু বাকী আছে যদিও নেৰানেপেৰা বৰষুণৰ ফলত গুৱাহাটীত ব্ৰহ্মপুত্ৰ নদীৰ জলস্থৰ প্ৰতি ঘণ্টাত ১ ছেঃ মিঃকৈ বৃদ্ধি পাইছে। যদি বৰষুণৰ ধাৰা অব্যহত থাকে তেন্তে গুৱাহাটীত ব্ৰহ্মপুত্ৰৰ জলস্তৰ শীঘ্ৰে বিপদ সীমা স্পৰ্শ কৰিব। কিছুদিন পূৰ্বে চুবৰীয়া ৰাষ্ট্ৰ ভুটানত হোৱা নেৰানেপেৰা বৰষুণৰ ফলত নামনি অসমৰ পাঁচখনকৈ জিলা জলমগ্ন হৈছিল। বৰ্তমান এই জিলা কেইখনত বান পৰিস্থিতি স্বাভাৱিক হৈ উঠিছে যদিও ৰাজ্যত বৰষুণৰ ধাৰা অব্যাহত থাকিলে পুনৰ এই জিলাসমূহ বানৰ কৱলত পৰাৰ সম্ভাৱনা আছে ৷ কেন্দ্ৰীয় জল আয়োগে সোমবাৰে জাৰি কৰা তথ্য অনুসৰি যোৰহাট জিলাৰ নিমাতীঘাটত ব্ৰহ্মপুত্ৰ বিপদ সীমাৰ ওপৰত বৈ থকাৰ বিপৰীতে গোলাঘাটৰ নুমলীগঢ়ত ধনশিৰী,শোণিতপুৰত জীয়া ভৰালী নদী বিপদ সীমাৰ ওপৰেৰে বৈছে।