গুৱাহাটীত প্ৰতিবন্ধী সুৰক্ষা সন্থাৰ প্ৰতিবাদ, থানা ঘেৰাও

যোৱা ৯ জুনত প্ৰতিবন্ধী সকলৰ বাবে ৩৫৭ টা পদৰ লিখিত পৰীক্ষা অনুষ্ঠিত হৈছিল ৷ এই পৰীক্ষাৰ কিছু বেমেজালি তথা প্ৰশ্ন কাকত ফাদিল হোৱাৰ অভিযোগ উত্থাপন হৈছে । অভিযোগ অনুসৰি প্ৰতিবন্ধী সুৰক্ষা সন্থাৰ সম্পাদক নৃপেন মালাকাৰৰ নাম সাঙোৰ খাইছিল এই বিষয়ত । আন কেইবাটাও সংগঠনে সম্পাদক নৃপেন মালাকাৰৰ বিৰুদ্ধে অভিযোগ উত্থাপন কৰি সংবাদমেলো পাতিছিল ।

গুৱাহাটী, 9 জুলাই: মঙলবাৰে মহানগৰীৰ দিছপুৰ থানা ঘেৰাও কৰে প্ৰতিবন্ধী সুৰক্ষা সন্থাৰ কৰ্মকৰ্তা সকলে । যোৱা ৯ জুনত প্ৰতিবন্ধী সকলৰ বাবে ৩৫৭ টা পদৰ লিখিত পৰীক্ষা অনুষ্ঠিত হৈছিল ৷ এই পৰীক্ষাৰ কিছু বেমেজালি তথা প্ৰশ্ন কাকত ফাদিল হোৱাৰ অভিযোগ উত্থাপন হৈছে । অভিযোগ অনুসৰি প্ৰতিবন্ধী সুৰক্ষা সন্থাৰ সম্পাদক নৃপেন মালাকাৰৰ নাম সাঙোৰ খাইছিল এই বিষয়ত । আন কেইবাটাও সংগঠনে সম্পাদক নৃপেন মালাকাৰৰ বিৰুদ্ধে অভিযোগ উত্থাপন কৰি সংবাদমেলো পাতিছিল ।

কিন্তু বিগত সময়ত সম্পাদকগৰাকীয়ে তেখেতৰ বিৰুদ্ধে উঠা অভিযোগ সম্পূৰ্ণ ভুৱা আৰু বহু দুষ্কৃতিকাৰীয়ে তেখেতক ভাবুকি দি আহিছে বুলি দিছপুৰ থানাত এক গোচৰ ৰুজু কৰে । দিছপুৰ আৰক্ষীয়ে সমগ্ৰ ঘটনাৰ তদন্ত লেহেমীয়া কৰা বুলি অভিযোগ উত্থাপন কৰি মঙলবাৰে প্ৰতিবন্ধী সুৰক্ষা সন্থাৰ কৰ্মকৰ্তা সকলে এইদৰে প্ৰতিবাদ কৰে ।