ৰাজহুৱা খণ্ডৰ উদ্যোগ ব্যক্তিগতকৰণৰ বিৰোধিতাৰে মহানগৰীত প্ৰতিবাদ

বৃহস্পতিবাৰে মহানগৰীৰ নুনমাটিস্থিত গুৱাহাটী ৰিফাইনেৰীৰ চৌহদৰ সমীপত কেন্দ্ৰীয় ট্ৰেড ইউনিয়ন, কৰ্মচাৰী ফেডাৰেচন আৰু চিটুৰ প্ৰতিবাদ ৷ ৰাজহুৱা খণ্ডৰ উদ্যোগ ব্যক্তিগতকৰণৰ বিৰোধিতা আৰু সমকামৰ বাবে সমমৰ্যদাৰ দাবীৰে এই প্ৰতিবাদ সাব্যস্ত সংস্থাকেইটাৰ ৷

গুৱাহাটী,19 নৱেম্বৰ : ৰাজহুৱা খণ্ডৰ উদ্যোগ ব্যক্তিগতকৰণৰ বিৰোধিতা কৰাৰ লগতে সমকামৰ বাবে সমমৰ্যদাৰ দাবীৰে বৃহস্পতিবাৰে প্ৰতিবাদ সাব্য়স্ত কৰে কেন্দ্ৰীয় ট্ৰেড ইউনিয়ন, কৰ্মচাৰী ফেডাৰেচন, চিটুৱে ৷ গুৱাহাটী মহানগৰীৰ নুনমাটিস্থিত গুৱাহাটী ৰিফাইনেৰীৰ চৌহদৰ সমীপত এক প্ৰতিবাদী জনসভা ৰূপায়ন কৰে সংস্থাকেইটাই ৷

প্ৰতিবাদী সভাত বিজেপি চৰকাৰক জনবিৰোধী চৰকাৰ আখ্যা দিয়ে ট্ৰেড ইউনিয়নৰ কৰ্মীসকলে ৷ তেওঁলোকে কয় যে, ‘‘ৰাজ্যৰ সকলো ৰাজহুৱা সম্পত্তি এইখন চৰকাৰে ব্যক্তিগত খণ্ডৰ হাতত অৰ্পণ কৰিব বিচাৰিছে ৷ ইতিমধ্যে APDCLকে ধৰি প্ৰায়বোৰ ৰাজহুৱা সম্পত্তি পুঁজিপতিৰ হাতত বিজেপি চৰকাৰে অৰ্পণ কৰিলে ৷ আমি চৰকাৰৰ এনে কাৰ্যক কেতিয়াও মানি ল’ব নোৱাৰো ৷ এইখন চৰকাৰে পুৰুষ-মহিলাৰ মাজত বিভেদ আনিব খুজিছে ৷ আমি পুৰুষ-মহিলা সকলোকে সমকামৰ বাবে সমমৰ্যাদা প্ৰদান কৰিবলৈ দাবী জনাইছো’’ ৷

উল্লেখ্য যে, দেশৰ ৰাজহুৱা খণ্ডৰ প্ৰতিষ্ঠানসমূহ ব্যক্তিগত খণ্ডৰ হাতত হস্তান্তৰ কৰাৰ বিৰোধিতা কৰি আগন্তুক 26 নৱেম্বৰত কেন্দ্ৰীয় ট্ৰেড ইউনিয়ন আৰু কৰ্মচাৰী ফেডাৰেশ্যনে দেশজুৰি পুনৰ ধৰ্মঘট ৰূপায়ণৰ কথা ঘোষণা কৰে ৷

লগতে পঢ়ক :বিশ্বজিৎ দৈমাৰী গ’ বেক ধ্বৰ্নিৰে উত্তাল খৈৰাবাৰী