গুৱাহাটী, ১১ মে':১৭ মে'ত শেষ হ'ব তৃতীয় পৰ্যায়ৰ লক্ ডাউনৰ সময়সীমা । দেশজুৰি এতিয়া এটাই প্ৰশ্ন ! ১৭ মে'ৰ পিচত পুনৰ লক্ ডাউন-৪ আৰম্ভ হ'ব নেকি ? কেউদিশে এতিয়া সেয়াই উৎকণ্ঠা । তাৰ মাজতে সোমবাৰে ১৭ মে'ৰ পৰৱৰ্তী পদক্ষেপ কি হ'ব সেই বিষয়ে প্ৰধানমন্ত্ৰী নৰেন্দ্ৰ মোডীয়ে বিভিন্ন ৰাজ্যৰ মুখ্যমন্ত্ৰী সকলৰ সৈতে এক ভিডিঅ' কনফাৰেঞ্চত ভাগ লয় ।
দিছপুৰৰ জনতা ভৱনৰ পৰা এই ভিডিঅ' কনফাৰেঞ্চত অংশগ্ৰহণ কৰে মুখ্যমন্ত্ৰী সৰ্বানন্দ সোণোৱালেও । মন্ত্ৰী ডঃ হিমন্ত বিশ্ব শৰ্মাৰ ওপৰিও ৰাজ্যৰ মুখ্য সচিব কুমাৰ সঞ্জয় কৃষ্ণ আৰু আৰক্ষী সঞ্চালক প্ৰধান ভাস্কৰ জ্যোতি মহন্তও এই কনফাৰেঞ্চত উপস্থিত থাকে । পূৰ্বৰ দৰে এইবাৰো ৰাজ্য চৰকাৰৰ ফালৰ পৰা প্ৰধানমন্ত্ৰীক অৱগত কৰোৱা হয় যে, ১৭ মে'ৰ পৰৱৰ্তী পদক্ষেপ কেন্দ্ৰই যি গ্ৰহণ কৰিব অসমে সেয়াই মানি ল'ব । উল্লেখ্য যে, ইয়াৰ পূৰ্বে দেওবাৰে দুপৰীয়া কেন্দ্ৰীয় চৰকাৰৰ কেবিনেট সচিব ৰাজীৱ গৌবাই ৰাজ্যসমূহৰ মুখ্য সচিবসকলৰ সৈতে এই সন্দৰ্ভত ভিডিঅ' কনফাৰেঞ্চত মিলিত হৈছিল ।
লগতে পঢ়কঃলক্ ডাউন শিথিল নকৰিলে আৰু বেছি ক্ষতি হ’বঃ তৰুণ গগৈ
