Rape in Guwahati: ৭২ বছৰীয়া বৃদ্ধৰ কামনাৰ বলি ১১ বছৰীয়া নাবালিকা

মহানগৰীত সংঘটিত হ’ল ঘৃণনীয় কাণ্ড ৷ নাতিনীয়েকৰ বয়সৰ এগৰাকী কিশোৰীক ধৰ্ষণৰ অভিযোগ উত্থাপিত হৈছে এগৰাকী ৭২ বছৰীয়া বৃদ্ধৰ বিৰুদ্ধে (Allegation against old man of raped minor girl in Guwahati) ৷ ইতিমধ্যে কাৰাগাৰলৈ নিক্ষেপ কৰা হৈছে অভিযুক্ত বৃদ্ধক ৷

গুৱাহাটী, ২৩ এপ্ৰিল: মালিগাঁৱৰ কামাখ্যা কলনীত ৭২ বছৰীয়া বৃদ্ধৰ কামনাৰ বলি হ'ল এগৰাকী ১১ বছৰীয়া নাবালিকা (Allegation against old man of raped minor girl in Guwahati)। অভিযুক্ত লোকজন লালগণেশৰ ৰমেশ মণ্ডল(৭২) । নাবালিকাগৰাকীৰ পৰিয়ালৰ লগত দীৰ্ঘদিনীয়া চিনাকী হোৱা সূত্ৰে তেওঁলোকৰ ঘৰলৈ অভিযুক্তজনৰ সঘন আহ-জাহ আছিল ।

শুকুৰবাৰে তেওঁ নাবালিকাগৰাকীৰ ঘৰলৈ আহিছিল আৰু ঘৰত কোনো নথকাৰ সুযোগ লৈ নাবালিকাগৰাকীক ধৰ্ষণ কৰে বুলি নাবালিকাগৰাকীৰ পৰিয়ালৰ লোকে অভিযোগ কৰে । ঘটনা সন্দৰ্ভত পৰিয়ালে শুকুৰবাৰে জালুকবাৰী থানাত এজাহাৰ দাখিল কৰিছিল । উক্ত এজাহাৰৰ ভিত্তিত জালুকবাৰী আৰক্ষীয়ে 376 (AB) IPC R/W SEC-6 of POCSO অধীনত 247/22 নম্বৰত এটা গোচৰ ৰুজু কৰে ।

এই গোচৰৰ ভিত্তিত আৰক্ষীয়ে অভিযুক্ত লোকজনক গ্ৰেপ্তাৰ কৰি শনিবাৰে আদালতত হাজিৰ কৰায় । আদালতে তেওঁক কাৰাগাৰলৈ প্ৰেৰণ কৰে । ইফালে এই অভিযোগ মিছা বুলি দাবী কৰিছে অভিযুক্ত ৰমেশ মণ্ডলে । ষড়যন্ত্ৰৰ বলি হোৱা বুলি তেওঁ সংবাদ মাধ্যমৰ আগত মন্তব্য কৰে ।

লগতে পঢ়ক:ৰেষ্টুৰেণ্টৰ লিফ্টত ভাৰতীয় বায়ু সেনাৰ জোৱানৰ হাতত শিশুসহ অপদস্থ তিনি মহিলা !