গুৱাহাটী, ৫ ডিচেম্বৰ: অসম জাতীয় পৰিষদ, ৰাইজৰ দলকে ধৰি শেহতীয়াকৈ ৰাজ্যত নতুনকৈ গঠন হৈছে বহুকেইটা ৰাজনৈতিক দল । এই নৱগঠিত দল সন্দৰ্ভত প্ৰতিক্ৰিয়া প্ৰকাশ কৰিছে সমাজকৰ্মী তথা গুৱাহাটী উচ্চ ন্যায়ালয়ৰ জ্যেষ্ঠ অধিবক্তা জোনমণি দেৱী খাউণ্ডে । তেওঁ কয় যে, 'ৰাজনৈতিক দলৰ বৰ্দ্ধিত সংখ্যাই সমাজত এক বিশৃংখল পৰিৱেশৰ সৃষ্টি কৰিছে ।' বিষয়সমূহৰ গভীৰতালৈ নগৈ ৰাজনৈতিক চিন্তা চৰ্চা কৰাটো ভুল বুলিও উল্লেখ কৰে তেখেতে ।
ৰাজনৈতিক দলৰ বৰ্দ্ধিত সংখ্যাই বিশৃংখলতাৰ সৃষ্টি কৰিবঃ জোনমণি দেৱী খাউণ্ড
লগতে সাম্প্ৰতিক সময়ৰ ৰাজনীতিক লৈ তেওঁ মুঠেও সন্তুষ্ট নহয় বুলিও মত প্ৰকাশ কৰে । বিটিচি পৰিষদীয় নিৰ্বাচনৰ প্ৰাকক্ষণত ৰাজনৈতিক দলসমূহে নিৰ্বাচনী প্ৰচাৰৰ নামত সাংস্কৃতিক অনুষ্ঠান সদৃশ পৰিৱেশ সৃষ্টি কৰিছে বুলিও কটাক্ষ কৰে জ্যেষ্ঠ অধিবক্তাগৰাকীয়ে ।