গুৱাহাটী,9 নৱেম্বৰ: "অসমৰ জনগনে ৰাইজৰ দলক মাত্ৰ পাঁচটা বছৰ সময় দিয়ক ৷ ৰাইজৰ দলে এখন সুস্থ সৱল আৰু ৰাইজৰ বাবে কাম কৰা চৰকাৰ ৰাইজক উপহাৰ দিব ৷ যদি দলক ৰাইজে বেয়া পাই তেনেহলে ইয়াৰ পিছৰ নিৰ্বাচনত শাসনৰ পৰা উফৰাই পঠিয়াব ৷" এই মন্তব্য নতুনকৈ ৰাইজৰ দলত যোগদান কৰা লিবাৰেল ডেম’ক্ৰেটিক পাৰ্টিৰ ৰাজ্যিক সাধাৰণ সম্পাদক তথা মুখপাত্ৰ দিৱস ফুকনৰ ৷
সোমবাৰে মহানগৰীৰ মাছখোৱা প্ৰাগজ্যোতিষ সাংস্কৃতিক প্ৰকল্পত অনুষ্ঠিত এখন জনসভাত দলটোৰ নীতি আদৰ্শৰ প্ৰতি আকৰ্ষিত হৈ আনুষ্ঠানিকভাৱে ৰাইজৰ দলত যোগদান কৰে LDP দলৰ দুই সাধাৰণ সম্পাদকদ্বয় ক্ৰমে দিৱস ফুকন আৰু ধ্ৰুৱ জ্যোতি ফুকনৰ লগতে দলটোৰ ৰাজ্যিক সাংগঠনিক সম্পাদক অনুপম বৰুৱা,সুৰুয বৰুৱা,কৌশিক বিশ্বাস,কোঁচ ৰাজবংশী উন্নয়ন কোষৰ সভাপতি অভিজিত তালুকদাৰকে আদি কৰি দলটোৰ মহিলা মৰ্চাৰ ভালেকেইগৰাকীও কৰ্মীৰ লগতে প্ৰায় ডেৰশতাধিক কৰ্মীয়ে ৷