কামৰূপ মেট্ৰ,5 ডিচেম্বৰ:গুৱাহাটী মহানগৰীৰ নাৰেংগীৰ অনুকুল বস্তিত জঘন্য কাণ্ড । এগৰাকী সাত বছৰীয়া শিশুক যৌন নিৰ্যাতন চলোৱাৰ অভিযোগ এগৰাকী ৬০ বছৰীয়া বৃদ্ধৰ বিৰুদ্ধে ৷ অভিযুক্তজন শিৱ কুমাৰ বুলি আৰক্ষীৰ সূত্ৰে প্ৰকাশ ৷ ইতিমধ্যে অভিযুক্ত বৃদ্ধজনক স্থানীয় ৰাইজে উত্তম-মধ্যম সোধাই গতাই দিয়ে আৰক্ষীক ৷
উল্লেখ্য যে, নাৰেংগীৰ অনুকুল বস্তিৰ বাসিন্দা শিৱ কুমাৰে ওচৰৰে এগৰাকী সাত বছৰীয়া শিশুক নিজৰ ঘৰলৈ মাতি আনি দহ টকা দি বাচন-বৰ্তন ধুবলৈ দিয়ে । ইয়াৰ পাচতে শিশুটিক যৌন নিৰ্যাতনৰ চেষ্টা চলায় বৃদ্ধজনে । ইয়াৰ পাচতে শিশুটিয়ে চিঞৰ বাখৰ কৰাত স্থানীয় ৰাইজে ঘটনাস্থলীলৈ দৌৰি আহে । শিশুটিয়ে সকলো কথা বিৱৰি কোৱাত ৰাইজে বৃদ্ধজনক কৰায়ত্ত কৰি উত্তম মাধ্যম সোধায় ।