গুৱাহাটী,23 ছেপ্তেম্বৰঃ বুধবাৰে গুৱাহাটী প্ৰেছ ক্লাৱত অসম মিঞা পৰিষদৰ অসমীয়া জাতিৰ অস্তিত্ব শীৰ্ষক এখন আলোচনা চক্ৰ অনুষ্ঠিত হয়। এই আলোচনা চক্ৰত মুখ্য অতিথি ৰূপে উপস্থিত থাকে বিশিষ্ট সাংবাদিক প্ৰশান্ত ৰাজগুৰু। ইফালে এই অনুষ্ঠানতে মিঞা পৰিষদৰ কেইবাটাও পদক্ষেপৰ কথা ঘোষণা কৰে। শীঘ্ৰেই অসমৰ কোন কোন সত্ৰত মিঞাই মাটি বেদখল কৰিছে তাৰ জৰীপ কৰিব পৰিষদে। আগন্তুক ২০২১ৰ নিৰ্বাচনত নতুন আঞ্চলিক দলৰ লগত থাকিব অসমৰ এক কোটি মিঞা। লগতে কংগ্ৰেছ-বিজেপিক এইবাৰ সমৰ্থন নকৰে বুলি স্পষ্ট কৰি দিয়ে অসম মিঞা পৰিষদে। অসমৰ এক কোটি মিঞাক বাদ দি কোনো আঞ্চলিক দলে সফলতা অৰ্জন কৰিব নোৱাৰে বুলিও সংগঠনটোৱে মত পোষণ কৰে।
২০২১ৰ নিৰ্বাচনত নতুন আঞ্চলিক দলৰ লগত থাকিব অসমৰ এক কোটি মিঞাঃ অসম মিঞা পৰিষদ