ইনফিনিক্স ইণ্ডিয়াৰ নতুন সামগ্ৰী মুকলিঃ বজাৰলৈ আহিল ৫ এছ লাইট ম'বাইল

মহানগৰীৰ হোটেল গেটৱে গ্ৰেণ্ডৰত ট্ৰেনচন গ্ৰুপৰ এক বিশেষ অনুষ্ঠান অনুষ্ঠিত হয়। এই অনুষ্ঠানত উপস্থিত থাকে ইনফিনিক্স ইণ্ডিয়াৰ মুখ্য কাৰ্যবাহী বিষয়া আনিছ কাপুৰ ৷ অনুষ্ঠানত কোম্পানীটোৰ কেইবাটাও নতুন সামগ্ৰী মুকলি কৰে বিষয়াগৰাকীয়ে ।

গুৱাহাটী, 23 নৱেম্বৰঃমহানগৰীৰ হোটেল গেটৱে গ্ৰেণ্ডৰত ট্ৰেনচন গ্ৰুপৰ এক বিশেষ অনুষ্ঠান অনুষ্ঠিত হয় ৷ কেন্দ্ৰীয় চৰকাৰৰ মেক ইন ইণ্ডিয়া আঁচনিৰ জৰিয়তে ভাৰতত ভুমুকি মৰা এই কোম্পানীটো বৰ্তমান যথেষ্ট সমাদৃত হোৱাৰ কথা জানিবলৈ দিয়েইনফিনিক্স ইণ্ডিয়াৰ মুখ্য কাৰ্যবাহী বিষয়া আনিছ কাপুৰে ৷ কাপুৰে এই অনুষ্ঠানত বিভিন্ন স্তৰৰ লোকৰ লগত মত বিনিময় কৰে। ইনফিনিক্স ইণ্ডিয়াৰ উত্তৰ-পূবৰ বজাৰত কি দৰে চাহিদা লাভ কৰিছে সেই বিষয়েও জনাই মুখ্য কাৰ্যবাহী বিষয়াগৰাকীয়ে। ইফালে এই অনুষ্ঠানতে কোম্পানীটোৰ কেইবাটাও নতুন সামগ্ৰী মুকলি কৰা হয়।

তাৰোপৰি অন্য কোম্পানীৰ ম'বাইলক প্ৰত্যাহ্বান জনাবলৈ কোম্পানীটোৱে মুকলি কৰে ইনফিনিক্স ৫ এছ লাইট নামৰ এটা নতুন মডেলৰ ম'বাইল। অতি অত্যাধুনিক এই ম'বাইলটো ৭,৯৯৯ টকা দৰতে উপলব্ধ হ'ব বুলিও অৱগত বিষয়া গৰাকীয়ে। ইয়াৰোপৰি কোম্পানীটোৱে নতুন ফীটনেছ বেল্ড মুকলি কৰাৰ কথাও ঘোষণা কৰে মুখ্য কাৰ্যবাহী বিষয়া আনিছ কাপুৰে । অত্যাধুনিক প্ৰযুক্তিৰ ম'বাইল ফোন অতি কম মূল্যত বজাৰত মুকলি কৰি ইতিমধ্যে ভাৰতীয় বজাৰ দখল কৰিবলৈ সক্ষম হৈছে ট্ৰেনচন ইনফিনিক্স ইণ্ডিয়াই ।