গুৱাহাটী,27 ফেব্ৰুৱাৰী: শুকুৰবাৰে বিয়লি দেশৰ নিৰ্বাচন আয়োগে অসমৰ বিধানসভা নিৰ্বাচনৰ সময়সূচী ঘোষণা কৰাৰ লগে লগে ৰাজ্যৰ গৃহ বিভাগে আৰক্ষীৰ শীৰ্ষ স্তৰত বৃহৎ সাল-সলনি ঘটাইছে । সেইমৰ্মে কোকৰাঝাৰৰ আৰক্ষী অধীক্ষক ৰাকেশ ৰোছনক দ্বিতীয় অসম আৰক্ষী বেটেলিয়ানৰ কমাণ্ডেন্টৰূপে বদলি কৰা হৈছে ।
সেই অনুসৰি, প্ৰথম অসম আৰক্ষী বেটেলিয়ানৰ কমাণ্ডেন্ট যুৱৰাজক ডিমা হাচাওৰ আৰক্ষী অধীক্ষকৰূপে, হামৰেণৰ আৰক্ষী অধীক্ষক ৰমণদীপ কৌৰক নৱম অসম আৰক্ষী বেটেলিয়ানৰ কমাণ্ডেন্ট ৰূপে, ডিমা হাচাওৰ আৰক্ষী অধীক্ষক জয়ন্ত সিঙক প্ৰথম অসম আৰক্ষী বেটেলিয়ানৰ কমাণ্ডেন্ট ৰূপে, শদিয়াৰ আৰক্ষী অধীক্ষক সুমিত শৰ্মাক হামৰেণৰ আৰক্ষী অধীক্ষক ৰূপে বদলি কৰা হৈছে ।
দ্বিতীয় অসম আৰক্ষী বেটেলিয়ানৰ কমাণ্ডেন্ট হৰেকৃষ্ণ নাথক কোকৰাঝাৰৰ আৰক্ষী অধীক্ষক হিচাপে বদলি কৰাৰ লগতে ওদালগুৰিৰ নতুন আৰক্ষী অধীক্ষক হিচাপে দায়িত্ব দিয়া হৈছে সিংহৰাম মিলিক । মিলি আছিল ২৬ অসম আৰক্ষী বেটেলিয়ানৰ কমাণ্ডেন্ট ।
আনহাতে, ২৬ অসম আৰক্ষী বেটেলিয়ানৰ কমাণ্ডেন্ট পদলৈ বদলি কৰা হৈছে ওদালগুৰিৰ আৰক্ষী অধীক্ষক ৰিপুল দাসক । শিলচৰৰ আৰক্ষী অধীক্ষক বেদান্ত প্ৰকাশ বৰকাকতিক শদিয়াৰ আৰক্ষী অধীক্ষক ৰূপে, লখিমপুৰৰ অতিৰিক্ত আৰক্ষী অধীক্ষক শান্তনু কুমাৰ দত্তক গুৱাহাটীৰ অতিৰিক্ত ডিচিপি ৰূপে আৰু হামৰেণৰ অতিৰিক্ত আৰক্ষী অধীক্ষক মেৰিলিন জলচাংমাৱিক লখিমপুৰৰ অতিৰিক্ত আৰক্ষী অধীক্ষক ৰূপে বদলি কৰা হৈছে ।
ইপিনে, শিলচৰত থকা দক্ষিণ মণ্ডলৰ ডিআইজি দিলীপ দে’ক পশ্চিম মণ্ডলৰ ডিআইজি হিচাপে বঙাইগাঁৱলৈ, চিআইডি-ৰ ডিআইজি লাচিত বৰুৱাক সীমান্ত শাখাৰ ডিআইজি ৰূপে, সীমান্ত শাখাৰ ডিআইজি ৰৌণক আলী হাজৰিকাক বিআইইঅ'-ৰ ডিআইজি ৰূপে, সীমান্ত শাখাৰ ডিআইজি ৰাণা ভূঞাক দক্ষিণ মণ্ডলৰ ডিআইজি ৰূপে, পশ্চিম মণ্ডলৰ ডিআইজি দেৱজ্যোতি মুখাৰ্জীক চিআইডিৰ ডিআইজি ৰূপে, বিআইইঅ'-ৰ ডিআইজি ৰফিউল আলম লস্কৰক সীমান্ত শাখাৰ ডিআইজি ৰূপে আৰু গুৱাহাটীৰ অতিৰিক্ত ডিচিপি বলীন দেউৰীক হামৰেনৰ অতিৰিক্ত আৰক্ষী অধীক্ষক ৰূপে বদলি কৰা হৈছে ।
লগতে পঢ়ক-নিৰ্বাচনৰ আচৰণ বিধিৰ সন্দৰ্ভত কামৰূপ প্ৰশাসনৰ বিশেষ সভা
