কেনে আছে "যাকেৰি নাহিকে উপাম"ৰ স্ৰষ্টা ?

অসমীয়া সাহিত্য জগতৰ এক উজ্বল নক্ষত্ৰ ৷ যাৰ চিন্তাত শব্দই প্ৰাণ তুলি হাঁহে ৷ কেইবাখনো যুগজয়ী গ্ৰন্থৰে অসমীয়া সাহিত্যৰ ভঁৰাল চহকী কৰিছে তেওঁ ৷ এসময়ত গঙা চিলনীৰ পাখি,শিখৰ সুৰভি,উত্তৰ পুৰুষ,পাতাল ভৈৰৱী,সেহি গুণনিধি আদিৰ স্ৰষ্টাগৰাকী আজি হতাশ ৷

গুৱাহাটী,21অক্টোবৰঃ যাকেৰি নাহিকে উপাম, সেহি গুণনিধি, কাল বলুকাত খোজ....অসমীয়া সাহিত্যত জিলিকি থকা ৰসোজ্বল সাহিত্য কৰ্মৰ অন্যতম অংশ ৷ কেনে আছে ডঃ লক্ষ্মীনন্দন বৰা ? ৰামধেনু যুগৰ এজন বলিষ্ঠ গল্পকাৰ,ঔপন্যাসিক ড৹ লক্ষীনন্দন বৰা ৷ যাৰ কলমেৰে নিগৰি আহিছে বাস্তৱ জীৱনৰ ঘটনা,পৰিঘটনা জীৱন যুঁজৰ জটিল সন্ধিক্ষণৰ বাৰ্তা৷ পাতাল ভৈৰৱী গ্ৰন্থই পঢ়ুৱৈক নতুন সোৱাদ দিয়াৰ পাচত গঙা চিলনীৰ পাখিৰ জৰিয়তে অসমীয়া সাহিত্যলৈ উপহাৰ দিছিল আন এক সবোৰ্তম সাহিত্য ৷

অসমীয়া সাহিত্য জগতৰ এক উজ্বল নক্ষত্ৰ ৷ যাৰ চিন্তাত শব্দই প্ৰাণ তুলি হাঁহে ৷ কেইবাখনো যুগজয়ী গ্ৰন্থৰে অসমীয়া সাহিত্যৰ ভঁৰাল চহকী কৰিছে তেওঁ৷ সমান্তৰাল ভাৱে গঙা চিলনীৰ পাখিৰ দৰে উপন্যাস সৰ্বোত্তম উপহাৰ ড৹ বৰাৰ ৷ ৰামধেনু যুগৰ পৰা একাধাৰে ইটোৰ পাছত সিটোকৈ সৃষ্টি কৰি গৈছে সাহিত্য ৷ বৰ্তমান গৰীয়সীৰ সম্পাদকৰ পদ অলংকৃত কৰা ড৹ লক্ষীনন্দন বৰাৰ কলম এতিয়াও ৰোৱা নাই থমকি ৷ শেহতীয়াকৈ কিহত ব্যস্ত তেখেত ?
এই গৰাকী স্বনামধন্য সাহিত্যিকৰ এক বাৰ্তাই কঢ়িয়াই আনিছে দুখৰ খবৰ ৷ কিয়নো গঙা চিলনীৰ পাখিৰ দৰে উপন্যাস হয়তো আৰু সৃ়ষ্টি নহ'ব তেখেতৰ কলমে দি ৷ এসময়ত গঙা চিলনীৰ পাখি,শিখৰ সুৰভি,উত্তৰ পুৰুষ,পাতাল ভৈৰৱী,সেহি গুণনিধি আদিৰ স্ৰষ্টাগৰাকী আজি হতাশ ৷ কিয়নো নতুন লেখকক লৈ সুখী নহয় তেওঁ ৷ কাৰণ এতিয়াও অসমত পৰ্যাপ্ত লেখকৰ সৃষ্টি হোৱা নাই ৷ যি সকল নতুন লেখক লেখিকাৰ সৃষ্টি হৈছে তেওঁলোকৰ সাহিত্য চৰ্চাৰ ধাৰাবাহিকতা নথকাৰো মন্তব্য কৰে ডঃ বৰাই ৷ তথাপিও গল্প,উপন্যাসতকৈ নৱ প্ৰজন্মৰ মাজত ভাল কবিতা সৃষ্টি হোৱাৰ কথা ক'লে বিশিষ্ট লেখকগৰাকীয়ে ৷

নতুন লেখক আৰু পুৰণিৰ লেখকৰ মাজত সম্পৰ্ক কি ? সৃষ্টিৰ প্ৰাচুৰ্য ৰামধেনু যুগৰ দৰে নহয় ৷ সাহিত্য সৃষ্টি সম্পৰ্কত নিৰবধি কৈ গ'ল অনেক কথাই ৷ উল্লেখ্য যে,1996 চনৰ অসম সাহিত্য সভাৰ বোকাখাত অধিবেশনৰ সভাপতিৰ পদ অলংকৃত কৰা ডঃ লক্ষ্মীনন্দন বৰা সম্প্ৰতি আতৰি আহিছে সাহিত্য সভাৰ প্ৰসংগৰ পৰা ৷ এসময়ত সাহিত্য সভাক দুৰ্যোগৰ পৰ ৰক্ষা কৰিবলৈ আপ্ৰাণ চেষ্টা কৰিছিল এইগৰাকী প্ৰাক্তন সাহিত্য সভাৰ সভাপতিয়ে ৷ কিন্তু সকলো চেষ্টা ব্যৰ্থ হোৱাৰ পিচত সম্প্ৰতি আতৰি থকাৰ কথা জনালে সাহিত্য সভাৰ প্ৰসংগৰ পৰা ৷ তেখেতৰ অভিযোগ,বৰ্তমান অ-সাহিত্যিকৰ স্থান হৈছে অসম সাহিত্য সভা ৷ সাহিত্য সভাৰ মৰ্যাদা হানি কৰিছে বৰ্তমানৰ সাহিত্য সভাৰ সভাপতিয়ে ৷