গুৱাহাটী,১৮জুলাই: ক'ৰণা ভাইৰাছৰ সংক্ৰমণৰ সমান্তৰাল ভাৱে ৰাজ্যত মূৰ দাঙি উঠিছে জাপানী এনকেফেলাইটিছ ৰোগেও । প্ৰতিবছৰে জুন মাহৰ পৰা ছেপ্টেম্বৰ মাহলৈকে ৰাজ্যত বৃদ্ধি পোৱা দেখিবলৈ পোৱা যায় জাপানী এনকেফেলাইটিছত আক্রান্ত লোকৰ সংখ্যা । সমগ্ৰ বিশ্বৰ লগতে ৰাজ্যত ক'ৰণাই আতংক চলাই আছে যদিও এইবাৰ অৱশ্যে স্বাস্থ্য বিভাগৰ বাবে মূৰৰ কামোৰণী হোৱা নাই জাপানী এনকেফেলাইটিছ ।
অসমত হ্ৰাস পাইছে জাপানী এনকেফেলাইটিছত আক্ৰান্তৰ সংখ্যা
পূৰ্বৰ তুলনাত এইবাৰ ৰাজ্যত বহু পৰিমাণে হ্ৰাস পাইছে জাপানী এনকেফেলাইটিছত আক্রান্ত হোৱা লোকৰ সংখ্যা । যোৱাটো বছৰত জুলাই মাহ পৰ্যন্ত ৰাজ্যত জাপানী এনকেফেলাইটিছ ৰোগত আক্রান্ত হৈছিল ৩৯২ গৰাকী লোক । ইয়াৰে ৯০ গৰাকী লোকৰ মৃত্যু ঘটিছিল । আনহাতে চলিত বৰ্ষত জুলাই মাহ পৰ্যন্ত ৰাজ্যত জাপানী এনকেফেলাইটিছ ৰোগত আক্রান্ত লোকৰ সংখ্যা হৈছে ১১২ গৰাকী আৰু ইয়াৰে ১৪ গৰাকী লোকৰ মৃত্যু ঘটিছে ।