অসমীয়া যুৱক-যুৱতীক স্বাৱলম্বী কৰাৰ ব্যতিক্ৰমী প্ৰয়াস হিন্দু সুৰক্ষা মঞ্চৰ

অসমীয়া যুৱক-যুৱতী সকলক অন্য প্ৰকাৰে কৰ্মমুখী কৰি তুলিব হিন্দু সুৰক্ষা মঞ্চই । এক সংবাদমেলযোগে এই কথা প্ৰকাশ কৰে হিন্দু সুৰক্ষা মঞ্চই ৷ মহানগৰীত অসমীয়া যুৱক-যুৱতীক লৈ আৰম্ভ হ'ব পাঁচলিৰ বজাৰ ।

গুৱাহাটী, 25ফেব্ৰুৱাৰী : অসমীয়া যুৱক-যুৱতী সকলক স্বাৱলম্বী কৰাৰ এক ব্যতিক্ৰমী প্ৰয়াস হিন্দু সুৰক্ষা মঞ্চৰ ৷ মঙলবাৰে দিছপুৰ প্ৰেছ ক্লাৱত প্ৰথমখন সংবাদমেল অনুষ্ঠিত কৰি এই কথা ব্যক্ত কৰে হিন্দু সুৰক্ষা মঞ্চই । নতুনকৈ জন্মলাভ কৰা সংগঠনটোৱে মঙলবাৰে আয়োজন কৰা সংবাদমেলত গ্ৰহণ কৰিছে কেইবাটাও গুৰুত্বপূৰ্ণ সিদ্ধান্ত । ৰাজ্যৰ অসমীয়া নিবনুৱা যুৱক-যুৱতীক সকলক কৰ্মমুখী হিচাপে গঢ়ি তুলিবলৈ মহানগৰীত নিবনুৱা যুৱক-যুৱতী সকলক পাঁচলিৰ ব্যৱসায়ীৰ লগত জড়িত কৰাৰ উদ্দেশ্যে প্ৰদান কৰিব বজাৰ । লগতে যুৱক-যুৱতী সকলক কৃষিমুখী কৰি তোলাৰ উপৰিও হিন্দু সুৰক্ষা মঞ্চই ৰাজ্যৰ বিভিন্ন চৰ-চাপৰিত জৈৱিক পদ্ধতিৰে কৃষি কাৰ্য আৰম্ভ কৰিব বুলি সংবাদমেলত মন্তব্য কৰে হিন্দু সুৰক্ষা মঞ্চৰ সভাপতি নীলকমল হাজৰিকাই ৷

ৰাজ্যৰ সত্ৰ সমূহ বেদখলমুক্ত কৰাৰ উদ্দেশ্যে আইনী প্ৰক্ৰিয়াৰে যুঁজ দিয়াৰ লগতে নিসংগ বৃদ্ধ সকলৰ বাবে বৃদ্ধা আশ্ৰম নিৰ্মাণ কৰিব বুলিও মন্তব্য হিন্দু সুৰক্ষা মঞ্চৰ সভাপতি নীলকমল হাজৰিকাৰ । উঠি অহা প্ৰজন্মক নিচা জাতীয় সামগ্ৰীৰ পৰা ৰক্ষা কৰাৰ উদ্দেশ্যেও সংগ্ৰাম চলাই যাব বুলি জানিবলৈ দিয়ে হিন্দু সুৰক্ষা মঞ্চৰ সভাপতিয়ে ৷ ৰাষ্ট্ৰ বিৰোধী শক্তিৰ বিৰুদ্ধেও মঞ্চই যুঁজি যাব বুলি জানিবলৈ দিয়ে মঞ্চৰ সভাপতি গৰাকীয়ে ।

আৰু পঢ়ক :'জোনাকী'ৰ বাবে সাজু গুৱাহাটী বিশ্ববিদ্যালয়