তৰুণ গগৈৰ স্বাস্থ্যৰ বুজ ল’লে হিমন্ত বিশ্ব শৰ্মাই

প্ৰাক্তন মুখ্যমন্ত্ৰী তৰুণ গগৈৰ স্বাস্থ্যৰ বুজ ল’বলৈ বৃহস্পতিবাৰে গুৱাহাটী চিকিৎসা মহাবিদ্যালয় হাস্পতালত উপস্থিত হয় অসম চৰকাৰৰ কেবিনেট মন্ত্ৰী ডঃ হিমন্ত বিশ্ব শৰ্মা ৷ ইয়াৰ পিছতে অসম চুক্তিৰ 6 নং দফাৰ কাৰ্যকৰী হোৱাৰ সন্দৰ্ভতো মন্তব্য প্ৰকাশ কৰে মন্ত্ৰী শৰ্মাই ৷

গুৱাহাটী,10 ছেপ্তেম্বৰ: সমষ্টিৰ পুনৰ নিৰ্ধাৰণ 2021 ৰ নিৰ্বাচনৰ পূৰ্বে সম্ভৱ নহয় ৷ সমষ্টি পুনৰ নিৰ্ধাৰণৰ পূৰ্বে লোকসভাত সংশোধন হ’ব লাগিব নীতি-নিয়ম ৷ 2001ৰ পৰিৱৰ্তে 2011 ৰ লোকপ্রিয়ল হ’ব লাগিব ইয়াৰ ভিত্তি বর্ষ ৷ বৃহস্পতিবাৰে গুৱাহাটী চিকিৎসা মহাবিদ্যালয় হাস্পতালত উপস্থিত হৈ এই মন্তব্য আগবঢ়াই কেবিনেট মন্ত্ৰী হিমন্ত বিশ্ব শৰ্মাই ৷

মন্ত্ৰীগৰাকীয়ে প্ৰাক্তন মুখ্যমন্ত্ৰী তৰুণ গগৈৰ স্বাস্থ্যৰ বুজ ল’বলৈ বৃহস্পতিবাৰে উপস্থিত হৈছিল গুৱাহাটী চিকিৎসা মহাবিদ্যালয় হাস্পতালত ৷ মন্ত্ৰী শৰ্মাই পিপিই কিট পৰিধান কৰি বৰ্ষীয়ান কংগ্ৰেছ নেতাগৰাকীৰ স্বাস্থ্যৰ বুজ লয় ৷ উল্লেখ্য যে,বিগত কেইবাদিনো ধৰি কৰ’ণাত আক্ৰান্ত হৈ গুৱাহাটী চিকিৎসা মহাবিদ্যালয় হাস্পতালত চিকিৎসাধীন হৈ আছে প্ৰাক্তন মুখ্যমন্ত্ৰী তৰুণ গগৈ ৷ প্ৰাক্তন মুখ্যমন্ত্ৰী গগৈৰ স্বাস্থ্যৰ বুজ লোৱাৰ পিছত মন্ত্ৰী হিমন্তই বিশ্ব শৰ্মাই বৰ্তমান তৰুণ গগৈ সুস্থ হোৱা বুলি প্ৰকাশ কৰে ৷ লগতে পৰিয়ালৰ লোকৰ সৈতে কথাও পাতিছে নেতাগৰাকীয়ে ৷ অৱশ্যে শৰীৰত এতিয়াও প্ৰয়োজন অনুপাতে অক্সিজেনৰ অভাৱ হৈ আছে গগৈৰ ৷ সেয়ে এক কথাত তৰুণ গগৈ বৰ্তমানেও কৰ’ণা মুক্ত হোৱা নাই বুলি কব পাৰি ৷ পৰিয়ালৰ লোকে ইচ্ছা কৰিলে কৰ’ণা মুক্ত হোৱাৰ পিছত ঘৰলৈ নিব পাৰিব গগৈক বুলি মন্তব্য প্ৰকাশ কৰে মন্ত্ৰী শৰ্মাই ৷

ইয়াৰ পিছতে অসম চুক্তিৰ 6 নং দফাৰ কাৰ্যকৰী হোৱাৰ সন্দৰ্ভতো মন্তব্য প্ৰকাশ কৰে মন্ত্ৰী হিমন্ত বিশ্ব শৰ্মাই ৷ মন্ত্ৰীগৰাকীয়ে 6 নং দফা ৰূপায়ণৰ বাবে কেৱল প্ৰস্তুতিহে চলিছে বুলি মতপোষণ কৰে ৷

লগতে চাওকঃশিলচৰত জব্দ অবৈধ চুপাৰি কঢ়িওৱা ট্ৰাক