মহানগৰীত এটিএমত ডকাইটিৰ ব্যৰ্থ চেষ্টাঃ এজন গ্ৰেপ্তাৰ

আৰক্ষী অহাৰ উমান পাই এটিএম ডকাইটি কৰিবলৈ অহা আন সদস্য কেইজনে পলায়ন কৰিবলৈ সক্ষম হয়৷

গুৱাহাটী, 29 ছেপ্টেম্বৰঃগুৱাহাটীৰ লালমাটিত বেংক ডকাইটিৰ ব্যৰ্থ চেষ্টাৰ পাচত এইবাৰ মহানগৰীত এটিএমত ডকাইটিৰ চেষ্টা ৷ আজি পুৱতি নিশা মহানগৰীৰ লখৰা সাউকুছিত এটিএম ডকাইটিৰ ব্যৰ্থ চেষ্টা চলাই আৰক্ষীৰ জালত পৰিল বহিঃৰাজ্যৰ যুৱক ৷ গড়চুক আৰক্ষীৰ তহলদাৰী দলে হাতে লোটে গ্ৰেপ্তাৰ কৰে হাৰিয়ানাৰ অন্তৰ্গত মুহুৰ যুৱক আৰিফক৷ ইপিনে আৰক্ষী অহাৰ উমান পাই এটিএম ডকাইটি কৰিবলৈ অহা আন সদস্য কেইজনে পলায়ন কৰিবলৈ সক্ষম হয়৷ আটকাধীন আৰিফৰ পৰা আৰক্ষীয়ে চিলিণ্ডাৰ আৰু অন্যান্য সা-সজুলী জব্দ কৰে৷ সম্প্ৰতি উক্ত এটিএমটো বন্ধ কৰি দিয়া হৈছে৷