গুৱাহাটী, 29 নৱেম্বৰঃ গুৱাহাটী বিশ্ববিদ্যালয়ৰ দায়িত্বজ্ঞানহীন কাণ্ডৰ ফল ভুগিছে শিক্ষাৰ্থীয়ে। প্ৰশ্নকাকত বিসংগতিৰ বাবে শুকুৰবাৰে বাতিল কৰিবলগীয়া হ'ল স্নাতকৰ তৃতীয় ষান্মাসিকৰ ৰাজনীতি বিজ্ঞান বিভাগৰ পৰীক্ষা। এই ঘটনাৰ পাচতে তীব্ৰ প্ৰতিক্ৰিয়াৰ সৃষ্টি হৈছিল চৌদিশে । উক্ত ঘটনা সন্দৰ্ভত মুখ খুলিছে গুৱাহাটী বিশ্ববিদ্যালয় কৰ্তৃপক্ষই । ঘটনাৰ এক তদন্ত ঘোষণা কৰিছে বিশ্ববিদ্যালয় কৰ্তৃপক্ষই।
প্ৰশ্নকাকত বিসংগতিৰ তদন্ত ঘোষণা গুৱাহাটী বিশ্ববিদ্যালয়ৰ কৰ্তৃপক্ষৰ
যিসকলৰ ভুলৰ বাবে এনে অনাকাংক্ষিত পৰিস্থিতিৰ সৃষ্টি হৈছে তেওঁলোকক কঠোৰ শাস্তি দিয়া হ'ব বুলি সংবাদ মাধ্যমৰ আগত প্ৰকাশ কৰে গুৱাহাটী বিশ্ববিদ্যালয়ৰ পৰীক্ষা নিয়ন্ত্ৰক ড৹ ধ্ৰুৱজ্যোতি চৌধুৰীয়ে। ভৱিষ্যতে এনে ভুল নহয় বুলিও কয় পৰীক্ষা নিয়ন্ত্ৰকগৰাকীয়ে।