গুৱাহাটী, ৯ নৱেম্বৰঃসম্প্ৰতি প্ৰয়োজনীয় নথি হিচাপে বিবেচিত হোৱা আধাৰ কাৰ্ডৰ বাবে ৰাজ্যৰ আধাৰ কেন্দ্ৰসমূহত ৰাইজৰ অভাৱনীয় ভিৰ হোৱা পৰিলক্ষিত হৈ আহিছে ৷ তেনে সময়তে ৰাজ্য চৰকাৰে গ্ৰহণ কৰিছে এক গুৰুত্বপূৰ্ণ পদক্ষেপ।
ৰাজ্যৰ সকলো শ্ৰেণীৰ বিদ্যালয়ৰ প্ৰতিগৰাকী ছাত্র-ছাত্ৰীৰ বাবে ৰাজ্য চৰকাৰৰ শিক্ষা বিভাগে আধাৰ কাৰ্ডৰ ব্যৱস্থা গ্ৰহণৰ পদক্ষেপ হাতত লৈছে। ৰাজ্যৰ অন্যান্য জিলাসমূহৰ দৰে সোমবাৰে কামৰূপ মহানগৰ জিলাত কামৰূপ একাডেমী উচ্চতৰ মাধ্যমিক বিদ্যালয়ত বিনামূলীয়া আধাৰ কেন্দ্ৰ মুকলি কৰা হয় ৷ কামৰূপ মহানগৰ জিলাৰ উপায়ুক্ত বিশ্বজিৎ পেগুৰ উপস্থিতিত শিক্ষা বিভাগৰ মুখ্য সচিব তথা সমগ্ৰ শিক্ষা মিচন অসমৰ সঞ্চালক বি কল্যাণ চক্ৰৱৰ্তীয়ে মুকলি কৰে আধাৰ কেন্দ্ৰটো।
ছাত্ৰ-ছাত্ৰীৰ সুবিধাৰ্থ গুৱাহাটীত মুকলি বিনামূলীয়া আধাৰ কেন্দ্ৰ