COVID-19ত আক্ৰান্ত প্ৰাক্তন মুখ্যমন্ত্ৰী তৰুণ গগৈ

প্ৰাক্তন মুখ্যমন্ত্ৰী তথা কংগ্ৰেছৰ জ্যেষ্ঠ নেতা তৰুণ গগৈ আক্ৰান্ত COVID-19ত ৷ সম্প্ৰতি তেওঁক প্ৰেৰণ কৰা হৈছে গুৱাহাটী চিকিৎসা মহাবিদ্যালয়ৰ চিকিৎসালয়ত ৷

গুৱাহাটী, 26 আগষ্ট: COVID-19ত আক্ৰান্ত প্ৰাক্তন মুখ্যমন্ত্ৰী তথা কংগ্ৰেছৰ জ্যেষ্ঠ নেতা তৰুণ গগৈ ৷ এই বিষয়ে তেওঁ সকলোকে অৱগত কৰে নিজৰ টুইটাৰযোগে ৷ মঙলবাৰে নিশা স্বাব পৰীক্ষাৰ ফলাফলত প্ৰাক্তন মুখ্যমন্ত্ৰী গৰাকীৰ দেহত COVID-19 ৰ অৱস্থিত ধৰা পৰে ৷

৯০ বছৰীয়া প্ৰাক্তন মুখ্যমন্ত্ৰী গৰাকী তেওঁৰ দিছপুৰস্থিত চৰকাৰী বাসগৃহতে চিকিৎসাধীন হৈ আছিল আৰু বিশেষজ্ঞ চিকিৎসকৰ দলে তেওঁৰ চিকিৎসা অব্যাহত ৰাখিছিল যদিও, সম্প্ৰতি তেওঁক প্ৰেৰণ কৰা হৈছে গুৱাহাটী চিকিৎসা মহাবিদ্যালয়ৰ চিকিৎসালয়ত ৷

লগতে পঢ়ক:ফেচবুকত আমগুৰিৰ বিধায়ক প্ৰদীপ হাজৰিকাক ভাবুকি প্ৰদান