কংগ্ৰেছ এৰি তৃণমূলত যোগদান ৰিপুন বৰাৰ

ৰাজ্যৰ ৰাজনীতিত আন এক ধুমুহাৰ সৃষ্টি কৰি দল এৰিলে প্ৰবীণ কংগ্ৰেছ নেতা ৰিপুণ বৰাই ৷ কংগ্ৰেছ সভানেত্ৰী ছোনিয়া গান্ধীলৈ দুই পৃষ্ঠাৰ দীঘলীয়া পদত্যাগ পত্ৰ পঠিয়াই দেওবাৰে কংগ্ৰেছ দলৰ পৰা বিদায় ললে ৰিপুণ বৰাই (Ripun Bora Resigns Congress)। কংগ্ৰেছ দল ত্যাগ কৰিয়েই তৃণমূল কংগ্ৰেছত যোগদান কৰিছে প্ৰাক্তন মন্ত্ৰী তথা প্ৰদেশ কংগ্ৰেছৰ প্ৰাক্তন সভাপতিগৰাকীয়ে ৷

গুৱাহাটী, ১৭ এপ্ৰিল: কংগ্ৰেছৰ আৰু এজন মহাৰথীয়ে দল এৰিলে । কংগ্ৰেছ সভানেত্ৰী ছোনিয়া গান্ধীলৈ দুই পৃষ্ঠাৰ দীঘলীয়া পদত্যাগ পত্ৰ পঠিয়াই দেওবাৰে কংগ্ৰেছ দলৰ পৰা বিদায় ল’লে ৰিপুণ বৰাই (Ripun Bora Resigns from Congress)। ৰাজ্যসভাৰ প্ৰাক্তন সাংসদ, প্ৰদেশ কংগ্ৰেছৰ প্ৰাক্তন সভাপতি, ৰাজ্যৰ প্ৰাক্তন মন্ত্ৰী ৰিপুণ বৰাই যে দুই এদিনতে কংগ্ৰেছ দল ত্যাগ কৰিব পাৰে তাকে লৈ বিগত কেইটামান দিনৰ পৰা ৰাজ্যৰ ৰাজনীতিত ব্যাপক চৰ্চা চলিছিল । কংগ্ৰেছ ত্যাগ কৰিয়েই তেওঁ তৃণমূল কংগ্ৰেছত যোগ দিয়ে (Ripun Bor joined TMC)৷

কংগ্ৰেছ এৰি তৃণমূলত যোগদান ৰিপুন বৰাৰ

উল্লেখযোগ্য যে সদ্যসমাপ্ত ৰাজ্যসভা নিৰ্বাচনত জিকিব পৰাকৈ পৰ্যাপ্ত বিধায়ক লগত থকাৰ পিছতো পৰাজিত হ’বলগীয়া হৈছিল ৰিপুণ বৰা । নিজ দল কংগ্ৰেছৰ লগতে মিত্ৰ এ আই ইউ ডি এফেও ৰাজ্যসভা নিৰ্বাচনত তেওঁক বিশ্বাসঘাতকতা কৰিছিল । আনহাতে, প্ৰদেশ কংগ্ৰেছৰ সভাপতি হিচাপে ৰিপুণ বৰাৰ‌ স্থলাভিষিক্ত হোৱা ভূপেন বৰাৰ সৈতে বহু পুৰনি ৰাজনৈতিক শত্ৰুতা থকা বুলি ৰাজনৈতিক মহলত আলোচিত হৈ আহিছে ।

সেয়েহে ৰাজ্যসভা নিৰ্বাচনত ৰিপুণ বৰাৰ পৰাজয়ৰ আঁৰত বহুতে ভূপেন বৰাৰ চক্ৰান্ত থকা বুলিও সন্দেহ কৰে । সেয়া যিয়েই নহওক, ৰিপুণ বৰাৰ কংগ্ৰেছ ত্যাগ যে বিধ্বস্ত হৈ পৰা এই দলটোৰ বাবে আৰু এক বৃহৎ ক্ষতি সেয়া নকলেও হ’ব ।

কংগ্ৰেছ এৰি তৃণমূলত যোগদান ৰিপুন বৰাৰ

শেহতীয়া খবৰ অনুসৰি তৃণমূলৰ নেতা অভিষেক বেনাৰ্জীৰ উপস্থিতিত কলিকতাত প্ৰদেশ কংগ্ৰেছৰ প্ৰাক্তন সভাপতি তথা প্ৰাক্তন মন্ত্ৰীগৰাকীয়ে তৃণমূল কংগ্ৰেছত যোগদান কৰিছে ৷ ইতমধ্যে, তৃণমূল কংগ্ৰেছৰ এক টুইটযোগে এই কথা ৰাজহুৱা কৰা হৈছে ৷ স্বাভাৱিকতেই, সুস্মিতা দেৱৰ পিছত বৰাৰ তৃণমূল যাত্ৰাই অসমত দলটোৰ ভৱিষ্যত সম্পৰ্কে বিশেষ তাৎপৰ্য বহন কৰা বুলি আলোচিত হৈছে ৰাজনৈতিক মহলত ৷

লগতে পঢ়ক:মোডীৰ অসম প্ৰীতি: বানৰ ক্ষতিপূৰণৰ নামত ১০১৮ কোটি টকাৰ বিপৰীতে দিলে ৫১.৫৩ কোটি টকা