গুৱাহাটী,১৬ এপ্ৰিল: ৰঙালীৰ উখল-মাখল পৰিৱেশৰ মাজতেই শুকুৰবাৰে বিয়লি গুৱাহাটীৰ ফাঁচী বজাৰত ভয়ংকৰ অগ্নিকাণ্ডৰ ঘটনা সংঘটিত হয় । গুৱাহাটীৰ বাণিজ্যিক কেন্দ্ৰ ৰূপে তথা অত্যন্ত ব্যস্ততাপূৰ্ণ অঞ্চল হিচাপে পৰিচিত ফাঁচী বজাৰৰ এখন ৰেষ্টুৰেণ্টত চিলিণ্ডাৰ বিস্ফোৰণ হোৱাৰ ফলত এই অগ্নিকাণ্ডৰ ঘটনা সংঘটিত হয় বুলি জানিব পৰা গৈছে ।
অগ্নিনিৰ্বাপক বাহিনীয়ে জুই নিয়ন্ত্রণ কৰিবলৈ সক্ষম হয় যদিও অঞ্চলটো যথেষ্ট ঠেক আৰু ব্যস্ততাপূৰ্ণ হোৱাৰ বাবে জুই নিৰ্বাপণত যথেষ্ট সমস্যাৰ সৃষ্টি হয় । এই অগ্নিকাণ্ডত ৰেষ্টুৰেণ্ট খন সম্পূৰ্ণৰূপে জ্বলি যোৱাৰ লগতে ওচৰৰ আন ব্যৱসায়িক প্ৰতিষ্ঠানো ক্ষতিগ্ৰস্ত হয় ।