গুৱাহাটী, ২৬ মাৰ্চ:আজি সমগ্ৰ বিশ্বই পলন কৰিব ধৰিত্ৰী ঘণ্টা । অৰ্থাৎ আজি নিশা ৮.৩০ বজাৰ পৰা ৯.৩০ বজালৈ বৈদ্যুতিক পোহৰ পৰিহাৰ কৰি ধৰিত্ৰী ঘণ্টা পালন কৰা হ'ব । এই সন্দৰ্ভত শনিবাৰে অসম শক্তি বিতৰণ কোম্পানী লিমিটেডে এক বিশেষ জৰুৰী টুইট কৰিছে । টুইট যোগে এ পি ডি চি এলে আজি নিশা ৰাজ্যবাসীক নিশা ৮.৩০ বজাৰ পৰা ৯.৩০ বজালৈকে বিদ্যুতৰ ছুইছ বন্ধ কৰি ৰাখিবলৈ আহ্বান জনাইছে (Earth Hour in Assam)।
WWF-India ৰ সমর্থনত আজি নিশা ৮ বাজি ৩০ মিনিটৰ পৰা ৯ বাজি ৩০ মিনিটলৈকে সমগ্ৰ বিশ্বতে এঘণ্টাৰ বাবে বৈদ্যুতিক পোহৰ পৰিহাৰ কৰি পালন কৰা হ'ব ‘ধৰিত্ৰী ঘণ্টা’। উক্ত সময়খিনিত কেৱল অত্যন্ত প্ৰয়োজনীয় লাইটসমূহহে জ্বলাবলৈহে অনুৰোধ জনাইছে এ পি ডি চি এলে । উল্লেখ্য যে, সমগ্ৰ বিশ্বতে প্ৰতি বছৰে মাৰ্চ মাহৰ শেষৰ ফালে এই ধৰিত্ৰী ঘণ্টা পালন কৰা হয় । এটা ঘণ্টাৰ বাবে ঘৰুৱা লাইটসমূহ বন্ধ কৰি ৰাখি জলবায়ু পৰিৱৰ্তনৰ বিৰোধিতা কৰাৰ বাবে এই আহ্বান ।