কামৰূপ মেট্ট,19নৱেম্বৰ: বৃহস্পতিবাৰে তিৱা স্বায়ত্ত শাসিত পৰিষদৰ নিৰ্বাচন সন্দৰ্ভত কামৰূপ মহানগৰ জিলা উপায়ুক্ত বিশ্বজিৎ পেগুৱে এখন সংবাদমেল সম্বোধন কৰে । নিৰ্বাচনৰ অধিসূচনা জাৰি হোৱাৰ লগে-লগে পৰিষদীয় এলেকাত নিৰ্বাচন আচৰণ বিধি প্ৰযোজ্য হৈছে । জিলা উপায়ুক্ত গৰাকীয়ে সংবাদমেলত জনোৱা অনুসৰি, প্ৰাৰ্থী সকলৰ মনোনয়ন দাখিলৰ অন্তিম দিন অহা ২৫ নৱেম্বৰ আৰু দিনৰ ১১ বজাৰ পৰা ৩ বজালৈ মনোনয়ন পত্ৰ গ্ৰহণ কৰা হ'ব । যদি কোনো প্ৰাৰ্থীয়ে নিজৰ মনোনয়ন উঠাই ল'ব বিচাৰে,তেন্তে ২৮ নৱেম্বৰৰ পূৰ্বে উঠাব পাৰিব । অহা ২৮ নৱেম্বৰত নিৰ্বাচনত প্ৰতিদ্বন্দিতা আগবঢ়োৱা প্ৰাৰ্থীৰ তালিকা ঘোষণা কৰিব নিৰ্বাচন আয়োগে । অহা ১৭ ডিচেম্বৰত পুৱা ৭.৩০ বজাৰ পৰা ৪.৩০বজালৈ ভোটগ্ৰহণ অনুষ্ঠিত হ'ব,প্ৰয়োজন সাপেক্ষে ৰি-প'ল ১৮ ডিচেম্বৰত অনুষ্ঠিত হ'ব আৰু ১৯ ডিচেম্বৰত ৮বজাৰ পৰা ভোটগণনা আৰম্ভ হ'ব ।
তিৱা স্বায়ত্ত শাসিত পৰিষদৰ ৩৬ সমষ্টিৰ ভিতৰত ৬টা সমষ্টি আছে কামৰূপ মহানগৰত । এই সমষ্টি কেইটা হৈছে ২৬নং ডিমৰীয়া সমষ্টি, ৩২নং ডিঘাৰু সমষ্টি, ৩৩নং ক্ষেত্ৰী সমষ্টি, ৩৪ সোণাপুৰ সমষ্টি, ৩৫নং আমপ্ৰি সমষ্টি আৰু ৩৬নং ফং আৰি সমষ্টি । এই সমষ্টিৰ অৰ্ন্তগত মূল ভোটাৰৰ সংখ্যা হৈছে ৭৮১৮০ গৰাকী । ইয়াৰে ৩৮৩৬০গৰাকী পুৰুষ আৰু ৩৯৮২০গৰাকী মহিলা ভোটাৰ । যাৰ বাবে মুঠ ভোট কেন্দ্ৰ থাকিব ১০০টা । সমষ্টি অনুসৰি ST সংৰক্ষিত ২৬নং ডিমৰীয়া সমষ্টিত ১৩টা ভোট কেন্দ্ৰ থকাৰ বিপৰীতে মুঠ ১১৬৯০গৰাকী ভোটাৰ আছে (৫৭১০ পুৰুষ আৰু ৫৯৮০ মহিলা) ৷ মহিলাৰ সংৰক্ষিত ৩২নং দিঘাৰু সমষ্টিত ২০টা ভোট কেন্দ্ৰ থকাৰ বিপৰীতে ১৭১২৭গৰাকী ভোটাৰ (৮৫১১ পুৰুষ,৮৬১৬ মহিলা), ৩৩নং ক্ষেত্ৰী সমষ্টিত ২১ ভোট কেন্দ্ৰ থকাৰ বিপৰীতে ১৫৮২৩গৰাকী মুঠ ভোটাৰ (পুৰুষ ৭৭০১,মহিলা ৮১২২) আছে ৷
অন্য এক খবৰৰ বাবে: কামাখ্যা মন্দিৰৰ সোণৰ চূড়া দৰ্শনাৰ্থীৰ বাবে মুকলি