গুৱাহাটী, 5 আগষ্ট: চৰকাৰে EIA 2020 ৰ খচৰা প্ৰস্তুতৰ পাচতেই অসমত সৃষ্টি হৈছে তীব্ৰ প্ৰতিক্ৰিয়াৰ ৷ EIA 2020ৰ দ্বাৰা চৰকাৰে অসম তথা উত্তৰ-পূৰ্বাঞ্চলৰ প্ৰাকৃতিক সম্পদ লুণ্ঠনৰ ষড়যন্ত্ৰ কৰিছে বুলি ইতিমধ্যে অভিযোগ উত্থাপন কৰিছে ভিন্নজনে ৷ EIA 2020ৰ বিৰুদ্ধে সৰৱ হৈ পৰিছে গুৱাহাটী বিশ্ববিদ্যালয় আছু গোটৰ লগতে বিশ্ববিদ্যালয় আইন মহাবিদ্যালয় আছু গোটৰ সদস্য সকল ৷ যাৰ বাবে বৃহস্পতিবাৰে তেওঁলোকে এই খচৰাৰ বিৰুদ্ধে এক ডিজিটেল আন্দোলন কাৰ্যসূচী ৰূপায়ন কৰিব বুলি জানিবলৈ দিছে সংবাদ সাধ্যমযোগে ৷
সকলো ৰাইজকে এই EIA 2020 ৰ ভয়াৱহতা উপলব্ধি কৰি ইয়াৰ বিৰোধিতা কৰাৰ লগতে, গুৱাহাটী বিশ্ববিদ্যালয় আছু গোটে হাতত লোৱা 'মেইল ষ্ট্ৰোম' কাৰ্যসূচীত অংশগ্ৰহণ কৰিবলৈ আহ্বান জনায় সদস্য সকলে ৷ EIA 2020 ৰ আপত্তি সম্পৰ্কে eia2020-moefcc@gov.in,prakash.j@sansad.nic.in,pccf.assam@gmail.com, sudheer.ch@gov.in,president@iucn.org,ananda.dias@unep.org আদিত মেইল কৰিবলৈ আহ্বান জনাইছে গুৱাহাটী বিশ্ববিদ্যালয় আছু গোট আৰু বিশ্ববিদ্যালয় আইন মহাবিদ্যালয় আছু গোটে ৷