গুৱাহাটী, 11 জুলাই : ৰাজ্যত ক্ৰমান্বয়ে বৃদ্ধি পাবলৈ ধৰিছে চাইবাৰ অপৰাধীৰ প্ৰৱঞ্চনাৰ জাল । এই জালৰ পৰা বাদ পৰা নাই সাধাৰণ ৰাইজ, মন্ত্ৰীৰ পৰা উচ্চ পদস্থ বিষয়ালৈকে । প্ৰায় প্ৰতিদিনে সংঘটিত হৈ আহিছে এনে বহু অপৰাধ ।
এইবাৰ চাইবাৰ অপৰাধীৰ জালত কেবিনেট মন্ত্ৰী
এইবাৰ প্ৰৱঞ্চকে লক্ষ্য কৰি লৈছে মন্ত্ৰী বিমল বৰাক ৷ চাইবাৰ অপৰাধীৰ জালত পৰিছে মন্ত্ৰী বিমল বৰা । মন্ত্ৰী বিমল বৰাৰ নামত এইবাৰ দুষ্ট চক্ৰই পেলাইছে প্ৰৱঞ্চনাৰ জাল । মন্ত্ৰীগৰাকীৰ নামত ভুৱা হোৱাটছআপ একাউণ্ট খুলি ধন দাবী (Minister Bimal Bora fake whatsapp account) কৰাত নামিছে । অনলাইনৰ জৰিয়তে ধন বিচাৰে এই চক্ৰটোৱে । ইতিমধ্য মন্ত্ৰীজনৰ নামত বহুজনৰ পৰা দুষ্ট চক্ৰটোৱে ধন সৰকাইছে বুলি অভিযোগ উঠিছে(Cyber criminals are targeting Minister Bimal Bora) ।