গুৱাহাটী,10 নৱেম্বৰঃ মঙলবাৰে মহানগৰীৰ জালুকবাৰীস্থীত আয়ুৰ্বেদিক মহাবিদ্যালয় চিকিৎসালয়ত মুকলি কৰা হয় এটা ক'ভিড স্কেনিং চেন্টাৰ । চিকিৎসালয়খনত যোৱা ৰোগীসকলে পোনপ্ৰথমে নিজৰ ক'ভিড পৰীক্ষা কৰিব লাগিব । এই নতুন ক'ভিড স্কেনিং চেন্টাৰটো মুকলি কৰে চিকিৎসা মহাবিদ্যালয়খনৰ অধ্যক্ষ বি. পি. শৰ্মাই ।
ক’ৰণাৰ এই ভয়াৱহ সময়চোৱাত ক'ভিড চেন্টাৰটোৰ জৰিয়তে অন্যান্য ৰোগীৰ লগতে সাধাৰণ লোক উপকৃত হ'ব বুলি উল্লেখ কৰে অধ্যক্ষগৰাকীয়ে । মহাবিদ্যালয়খনৰ শিক্ষাৰ্থীসকলেও সময়ে সময়ে এই চেন্টাৰত ক'ভিড পৰীক্ষা কৰিব লাগিব। উল্লেখযোগ্য যে ক'ভিড চিকিৎসালয় আয়ুৰ্বেদিক মহাবিদ্যালয়ত ৰোগীৰ সুবিধাৰ বাবে আৰু কেইবাটাও নতুন পদক্ষেপ গ্ৰহণ কৰা হ'ব বুলিও অধ্যক্ষগৰাকীয়ে জানিবলৈ দিয়ে।
লগতে পঢ়কঃ খোৱাঙত CAA বাতিল আৰু টাই আহোমক জনজাতিকৰণৰ দাবীত আটাছুৰ প্ৰতিবাদ
