যোৰাবাটত জব্দ কয়লা ভৰ্তি ট্ৰাক

শনিবাৰে নিশা যোৰাবাট আৰক্ষীৰ বিশেষ অভিযানত আটক কৰা হয় এখন কয়লা ভৰ্তি ট্ৰাক ৷ কাৰ্বি আংলঙৰ গৰমপানীৰ পৰা গুৱাহাটীৰ বেলতলালৈ আহিছিল AS 01DD 5532 নম্বৰৰ কয়লা ভৰ্তি ট্ৰাকখন ৷

যোৰাবাট, 26 অক্টোবৰঃ ৰাজ্যত এতিয়াও অব্যাহত আছে চোৰাং গৰু আৰু অবৈধ কয়লা সৰবৰাহ ৷ শনিবাৰে নিশা যোৰাবাট আৰক্ষীৰ বিশেষ অভিযানত আটক কৰা হয় এখন কয়লা ভৰ্তি ট্ৰাক ৷ কাৰ্বি আংলঙৰ গৰমপানীৰ পৰা গুৱাহাটীৰ বেলতলালৈ আহিছিল AS 01DD 5532 নম্বৰৰ কয়লা ভৰ্তি ট্ৰাকখন ৷

উল্লেখ্য যে, গৰমপানীৰ পৰা গুৱাহাটী লৈ অহাৰ সময়তে অসম আৰক্ষীয়ে অবৈধ কয়লা ভৰ্তি ট্ৰাকৰ পৰা ধন সংগ্ৰহ কৰে । যান বাহন নিয়ম উলংঘা কৰি গুৱাহাটীলৈ অনা হয় অবৈধ কয়লা ৷ ইতিমধ্যে ট্ৰাকখনৰ চালকক আৰক্ষীয়ে আটক কৰিছে ৷ ঘটনা সন্দৰ্ভত যোৰাবাট আৰক্ষীয়ে এক গোচৰ ৰুজু কৰি তদন্ত আৰম্ভ কৰিছে ৷