গুৱাহাটী, ২ এপ্ৰিলঃ পৰিস্থিতি খুবেই ভয়াৱহ । আজি দেশৰ সকলো ৰাজ্যৰ মুখ্যমন্ত্ৰীৰে হোৱা ভিডিঅ' কনফাৰেঞ্চত তাৰেই ইংগিত দিয়ে প্ৰধানমন্ত্ৰী নৰেন্দ্ৰ মোডীয়ে । আজি জনতা ভৱনৰ পৰা ভিডিঅ' কনফাৰেঞ্চত প্ৰধানমন্ত্ৰীৰ সৈতে ভাগ লয় মুখ্যমন্ত্ৰী সৰ্বানন্দ সোণোৱালৰ লগতে স্বাস্থ্য মন্ত্ৰী ডঃ হিমন্ত বিশ্ব শৰ্মা আৰু ৰাজ্যৰ মুখ্য সচিব কুমাৰ সঞ্জয় কৃষ্ণই । ৰাজ্য চৰকাৰে COVID -19 ৰ সৈতে যুঁজিবলৈ হাতত লোৱা সকলো পদক্ষেপৰ বিষয়ে সোণোৱালে প্ৰধানমন্ত্ৰী গৰাকীক অৱগত কৰে । তাৎপৰ্যপূৰ্ণ যে, এই পৰিস্থিতি সহজে স্বাভাৱিক নহ'ব । প্ৰধানমন্ত্ৰীয়ে ভিডিঅ' কনফাৰেঞ্চত তাৰেই ইংগিত দি আগন্তুক দীপাৱলী পৰ্যন্ত চৰকাৰক পৰিস্থিতিৰ সৈতে মোকাবিলা কৰিব পৰাকৈ সাজু হৈ থাকিবলৈ আহ্বান জনায় ।
ভিডিঅ' কনফাৰেঞ্চযোগে দীপাৱলী পৰ্যন্ত ৰাজ্য চৰকাৰক সাজু থাকিবলৈ ক'লে প্ৰধানমন্ত্ৰীয়ে