গুৱাহাটী, 15 মাৰ্চঃ ৰাজ্য চৰকাৰৰ মুখ্য সচিব সঞ্জয় কৃষ্ণাৰ গুৰুত্বপূৰ্ণ সংবাদমেল । ৰাজ্যৰ সকলো চৰকাৰী, তথা বেচৰকাৰী স্কুল, কলেজ , বিশ্ববিদ্যালয় আজিৰে পৰা 29 মাৰ্চলৈ বন্ধ থাকিব । খানাপাৰা স্থিত প্ৰশাসনীয় প্ৰাধিকাৰী মহাবিদ্যালয়ত এক সংবাদমেল যোগে এই ঘোষণা কৰে ৰাজ্যৰ মুখ্য সচিব সঞ্জয় কৃষ্ণই । চি বি এছ চি আৰু বৰ্ড পৰীক্ষাৰ বাদে সকলো পৰীক্ষা বাতিল কৰাৰ নিৰ্দেশনা ৰাজ্য চৰকাৰৰ । কেৱল শিক্ষানুষ্ঠানেই নহয় চুইমিং পুল, শৰীৰ চৰ্চা কেন্দ্ৰ, চিনেমা হল বন্ধ ৰখাৰ নিৰ্দেশনা জাৰি কৰিছে ৰাজ্য চৰকাৰে।
আনহাতে সকলো চৰকাৰী সভা বাতিলৰ লগতে ব্যক্তিগত সভা মিটিং বাতিল কৰিবলৈ নিৰ্দেশ প্ৰদান কৰিছে চৰকাৰে। বজাৰৰ লগতে ৰাজহুৱা স্থান সমূহ পৰিষ্কাৰ কৰি ৰখাৰ বাবে নিৰ্দেশ জিলা প্ৰশাসনক ।
29 মাৰ্চ পৰ্যন্ত বন্ধ থাকিব সকলো চৰকাৰী বেচৰকাৰী শিক্ষানুষ্ঠান