নিউজ ডেস্ক, 3 মাৰ্চ:বিশ্ব ঐতিহ্যক্ষেত্ৰৰ মৰ্যাদা লাভ কৰাৰ দিশে আৰু এখোজ আগবাঢ়িল চৰাইদেউ মৈদাম ৷ বিশ্ব ঐতিহ্যক্ষেত্ৰত অন্তৰ্ভুক্ত হোৱাৰ বাবে ইউনেস্ক'(UNESCO) সচিবালয়ৰ সকলো কাৰিকৰী প্ৰয়োজনীয়তা পূৰণ কৰিবলৈ সমৰ্থ হৈছে চৰাইদেউ মৈদাম (World heritage site) । মুখ্যমন্ত্ৰী ড৹ হিমন্ত বিশ্ব শৰ্মাই আজি এক টুইটযোগে জানিবলৈ দিয়ে এই তথ্য ৷ ইউনেস্ক’ কৰ্তৃপক্ষই শুকুৰবাৰে এক পত্ৰযোগে জানিবলৈ দিয়ে এই তথ্য ৷
লগতে মুখ্যমন্ত্ৰীগৰাকীয়ে টুইটযোগে কয়, ‘‘এই পুনৰীক্ষণ প্ৰক্ৰিয়ালৈ আমি অধীৰ আগ্ৰহেৰে বাট চাই ৰৈছোঁ । মাননীয় প্ৰধানমন্ত্ৰী শ্ৰীনৰেন্দ্ৰ মোদী ডাঙৰীয়াক অসমৰ আপুৰুগীয়া ঐতিহ্যৰ মনোনয়ন ইউনেস্ক'ৰ বিশ্ব ঐতিহ্য কেন্দ্ৰলৈ প্ৰেৰণত গ্ৰহণ কৰা সিদ্ধান্তৰ বাবে আন্তৰিক ধন্যবাদ আৰু কৃতজ্ঞতা জ্ঞাপন কৰিছোঁ ।’’ স্বাভাৱিকতাই এই বাৰ্তাই এতিয়া উৎফুল্লিত কৰি তুলিছে ৰাজ্যবাসীক ৷ পৰৱৰ্তী সময়ত এই মনোনয়ন পত্ৰ আন্তৰ্জাতিক কীৰ্তিচিহ্ন আৰু স্থান পৰিষদে পুনৰীক্ষণ কৰিব বুলিও সদৰী কৰে মুখ্যমন্ত্ৰীগৰাকীয়ে (World Heritage Site status for Charaideo Maidams) ৷