গুৱাহাটী, ১১ জুনঃ কৰ'ণা বিভীষিকাৰ মাজতে অসমত এতিয়া খুব সন্তৰ্পণে আৰম্ভ হৈছে নিৰ্বাচনী অনুশীলন । ৰাজ্যৰ বিধানসভা নিৰ্বাচনলৈ মাজত আছে এবছৰতকৈও কম দিন । গতিকে স্বাভাৱিকতে আহি পৰিছে ৰাজনৈতিক দলসমূহৰ ব্যস্ততাৰ সময় । এইক্ষেত্ৰত যথেষ্ঠ তৎপৰতাৰে আগুৱাই যোৱা দেখা গৈছে শাসকীয় বিজেপি দলক । সেয়েহে ই টিভি ভাৰতে বিজেপিৰ ৰাজ্যিক সভাপতি ৰঞ্জিৎ দাসৰ পৰা দলটোৰ নিৰ্বাচনকেন্দ্ৰিক ব্যস্ততা সন্দৰ্ভত জানিবলৈ চেষ্টা কৰিছে সকলো খবৰ ।
আগন্তুক নিৰ্বাচন সন্দৰ্ভত ইটিভি ভাৰতৰ সৈতে ৰঞ্জিৎ দাসৰ আছুতীয়া সাক্ষাৎকাৰ এক বিশেষ সাক্ষাৎকাৰত বৃহস্পতিবাৰে দলটোৰ সভাপতি গৰাকীয়ে ই টিভি ভাৰতৰ আগত কয় যে,আগন্তুক বিধানসভা নিৰ্বাচনৰ প্ৰতি লক্ষ্য ৰাখি দলটো ইতিমধ্যে সাজু হৈছে । ১৮ জুনৰ পৰা সমগ্ৰ অসমত বিজেপিয়ে আৰম্ভ কৰিব এক ব্যতিক্ৰমী কাৰ্যসূচী । সেই অনুসৰি দলটোৰ শীৰ্ষ নেতাসকলে ৰাজ্যৰ ৫০ লাখ পৰিয়ালৰ ঘৰে ঘৰে গৈ আৰম্ভ কৰিব এক বিশেষ নিৰ্বাচনকেন্দ্ৰিক অভিযান । কৰ'ণাৰ পৰিপ্ৰেক্ষিতত বিজেপিয়ে এইবাৰ ব্যাপক জনসমাগম এৰাই চলি ভাৰ্চুৱেল ৰেলীৰ জড়িয়তে ৰাইজৰ কাষ চপাৰ পৰিকল্পনা কৰিছে বুলিও তেওঁ প্ৰকাশ কৰে । ইয়াৰ অংশস্বৰূপে ১৬ জুনত অনুষ্ঠিত হ'ব এক বৃহৎ পৰিসৰত অনলাইন ৰেলী । যিখন ৰেলী সম্বোধন কৰিব বিজেপিৰ ৰাষ্ট্ৰীয় সভাপতি জগত প্ৰসাদ নাড্ডাই ।
মিত্ৰদল বি পি এফৰ সৈতে বিজেপিৰ এক তিক্ততাপূৰ্ণ সম্পৰ্ক আৰম্ভ হৈছে নেকি? আনহাতে, আজিৰ তাৰিখত সবাটোকৈ চৰ্চিত বিষয়টো হৈছে আগন্তুক নিৰ্বাচনত বিজেপিৰ বৰ্তমানৰ সকলো বিধায়কে পুনৰ প্ৰাৰ্থিত্ব লাভ কৰিবনে ? কিয়নো বিধায়ক সকলৰ কাম কাজৰ ওপৰত এক ৰিপ'ৰ্ট কাৰ্ডৰ ব্যৱস্থা কৰা হৈছে । তাৰ ওপৰতে নিৰ্ভৰ কৰিছে তেওঁলোকৰ ৰাজনৈতিক ভৱিষ্যত । সভাপতি গৰাকীয়ে প্ৰকাশ কৰে যে,ৰিপ'ৰ্ট কাৰ্ডৰ প্ৰক্ৰিয়া এতিয়াও সম্পূৰ্ণ হৈ উঠা নাই । সেই প্ৰক্ৰিয়া সম্পূৰ্ণ হোৱাৰ লগে লগেই সেইসমূহ প্ৰেৰণ কৰা হ'ব দলৰ ৰাষ্ট্ৰীয় সভাপতিলৈ ৷ তাৰ পিচতহে দলৰ ৰাষ্ট্ৰীয় নেতৃত্বই সিদ্ধান্ত গ্ৰহণ কৰিব কোনে প্ৰাৰ্থিত্ব পাব বা নাপাব । ইপিনে,শেহতীয়াকৈ মিত্ৰদল বি পি এফৰ সৈতে বিজেপিৰ এক তিক্ততাপূৰ্ণ সম্পৰ্ক আৰম্ভ হৈছে নেকি বুলি সোধা এক প্ৰশ্নৰ উত্তৰত কৌশলী উত্তৰ দি ৰঞ্জিৎ দাসে কয় যে,ৰাজনীতিত আচলতে তেনেকুৱা কথা নাথাকে । আগন্তুক বি টি আৰ নিৰ্বাচনত বিজেপিয়ে বি পি এফৰ বিৰুদ্ধে অৱতীৰ্ণ হ'বই,গতিকে ইয়াক কোনোবাই তিক্ততাপূৰ্ণ সম্পৰ্ক বুলি ভাবিলেও উপায় নাই । বি পি এফৰ কেইবাজনো বিধায়কে ইতিমধ্যে বিজেপিত যোগ দিবলৈ ওলোৱা বিষয়টোও অৱশ্যে তেওঁ অস্বীকাৰ নকৰে ।
আগন্তুক বিধানসভা নিৰ্বাচনৰ প্ৰতি লক্ষ্য ৰাখি দলটো ইতিমধ্যে সাজু হৈছেঃ ৰঞ্জিৎ দাস লগতে পঢ়কঃঅভি-নীল হত্যাকাণ্ডৰ দুটা বছৰ সম্পূৰ্ণঃ ন্যায় কেতিয়া?
