গুৱাহাটী, 20 জুনঃ পুনৰ আন এক বিত্তীয় কেলেংকাৰীত সাঙোৰ খাইছে বিজেপি নেতা জিতু গোস্বামীৰ নাম । বিগত বিধানসভা নিৰ্বাচনত চামগুৰি সমষ্টিৰ পৰা প্ৰতিদ্বন্দিতা কৰি পৰাজিত হোৱা এইগৰাকী বিজেপি নেতাৰ বিৰুদ্ধে পূৰ্বৰে পৰাই চলি আছিল বিত্তীয় প্ৰতাৰণাৰ কেইবাটাও গোচৰ । চি বি আয়েও তেওঁৰ বিৰুদ্ধে এটা গোচৰৰ তদন্ত অব্যাহত ৰাখিছে । তেনে সময়তে ই টিভি ভাৰতৰ হাতত আহি পৰিছে এইগৰাকী বিজেপি নেতাৰ আন এক বিত্তীয় খেলিমেলিৰ তথ্য ।
12.82 কোটিৰ খেলিমেলিঃ জিতু গোস্বামীলৈ জাননী - গুৱাহাটী
বিগত বিধানসভা নিৰ্বাচনত চামগুৰি সমষ্টিৰ পৰা প্ৰতিদ্বন্দিতা কৰি পৰাজিত হোৱা এইগৰাকী বিজেপি নেতাৰ বিৰুদ্ধে পূৰ্বৰে পৰাই চলি আছিল বিত্তীয় প্ৰতাৰণাৰ কেইবাটাও গোচৰ । চি বি আয়েও তেওঁৰ বিৰুদ্ধে এটা গোচৰৰ তদন্ত অব্যাহত ৰাখিছে । তেনে সময়তে ই টিভি ভাৰতৰ হাতত আহি পৰিছে এইগৰাকী বিজেপি নেতাৰ আন এক বিত্তীয় খেলিমেলিৰ তথ্য ।
12.82 কোটিৰ খেলিমেলিঃ জিতু গোস্বামীলৈ জাননী
মেচাৰ্ছ ডাবল ডি কনষ্ট্ৰাকছনচ প্ৰাইভেট লিমিটেড নামৰ এটা প্ৰতিষ্ঠানৰ নামত পঞ্জাৱ নেছনেল বেংকৰ পৰা লোৱা হৈছিল 16 কোটি টকাৰ ঋণ । এই ঋণৰ গ্যাৰান্টৰ হিচাপে আছিল জিতু গোস্বামী আৰু গীতিকা গোস্বামী । উল্লেখ্য যে, উক্ত কোম্পানীটোৰ সঞ্চালকৰ দায়িত্বত আছে জিতু গোস্বামী আৰু গীতিকা গোস্বামী । কিন্তু কোম্পানীটোৱে এতিয়াও বেংকক পৰিশোধ কৰিবলৈ বাকী আছে 12 কোটি 82 লাখ টকা । কেৱল ইমানেই নহয়, পৰিশোধ কৰিবলৈ বাকী আছে এই ধনৰাশিৰ সূতো । 2010 চনৰ 1 জুলাইৰ পৰা পৰিশোধ কৰিবলৈ বাকী আছে এই বৃহৎ পৰিমাণৰ ধনখিনি ।
ফলত উপায়ন্তৰ হৈ বেংক কৰ্তৃপক্ষই দুয়োৰে বিৰুদ্ধে প্ৰকাশ কৰিছে জাননী । বেংকে ইতিমধ্যে দুয়োকে " ইচ্ছাকৃত খেলাপকাৰী " বুলিও ঘোষণা কৰিছে । মন কৰিবলগীয়া যে জিতু গোস্বামী শাসকীয় দলৰ নেতা হোৱাৰ সুবাদতে বৰ্তমান অসম ৰাজ্যিক পাঠ্যপুথি প্ৰকাশন আৰু প্ৰণয়ন নিগমৰ উপাধ্যক্ষ পদতো অধিষ্ঠিত হৈ আছে ।