লুইত ৰাইডাৰ্ছ অসম মটৰ চাইকেল ক্লাৱৰ শ্বহীদক স্মৰণ

স্বাধীনতা দিৱস উপলক্ষে সোণাপুৰত শ্বহীদ অপূৰ্ব ডেকাক স্মৰণ কৰিলে বাইকাৰ্ছ ক্লাৱটোৱে ৷

সোণাপুৰ, 15 আগষ্ট: আজি সমগ্ৰ দেশৰ লগতে ৰাজ্যৰ বিভিন্ন প্ৰান্তত পালিত হৈছে ৭৩ তম স্বাধীনতা দিৱস ৷ সেই উপলক্ষে কামৰূপ জিলাৰ সোণাপুৰত শ্বহীদ অপূৰ্ব ডেকাক স্মৰণ কৰে লুইত ৰাইডাৰ্ছ অসম মটৰ চাইকেল ক্লাৱে ৷ ক্লাৱৰ সদস্য সকলে আজি সোণাপুৰৰ মিটনী ৰেৱা মহেশ্বৰ উচ্চ মাধ্যমিক বিদ্যালয়ত শ্বহীদ অপূৰ্ব ডেকাৰ প্ৰতিমূৰ্ত্তিত মাল্যাৰ্পণ কৰাৰ লগতে শ্ৰদ্ধাঞ্জলি অৰ্পণ কৰে ৷ লুইত ৰাইডাৰ্ছৰ তৰফৰ পৰা শ্বহীদ অপূৰ্ব ডেকাৰ মাতৃ ভানু ডেকা , শ্বহীদৰ পত্নী জোনালী ডেকা আৰু শ্বহীদ অপূৰ্ব ডেকাৰ পুত্ৰ ধীমান ডেকাক সম্বৰ্ধনা জনোৱা হয় ৷ শ্ৰদ্ধাঞ্জলি জ্ঞাপন অনুষ্ঠানত বিদ্যালয়ৰ ছাত্ৰ-ছাত্ৰী সকলেও অংশগ্ৰহণ কৰে ।