গুৱাহাটী, 9 জানুৱাৰী : ৰাজ্যিক বিজেপিৰ কাৰ্যকৰ্তাৰ ব্যক্তিগত নিৰাপত্তাৰক্ষী তথা পি এছ অ’ প্ৰত্যাহাৰ কৰাৰ বাবে আবেদন জনাইছে দলৰ ৰাজ্যিক সভাপতি ভৱেশ কলিতাই (Bhabesh Kalita appeals to CM for withdrawal PSO) ৷ এই সন্দৰ্ভত সভাপতি কলিতাই মুখ্যমন্ত্ৰী ড৹ হিমন্ত বিশ্ব শৰ্মাক প্ৰদান কৰিলে পত্ৰ ৷
পি এছ অ’ প্ৰত্যাহাৰৰ আহ্বান ভৱেশ কলিতাৰ মুখ্যমন্ত্ৰী ড৹ হিমন্ত বিশ্ব শৰ্মাৰ আহ্বানমৰ্মে এই সিদ্ধান্ত গ্ৰহণ কৰিছে ৰাজ্যিক সভাপতিগৰাকীয়ে ৷ নিৰাপত্তাৰক্ষী প্ৰত্যাহাৰৰ বাবে মুখ্যমন্ত্ৰী শৰ্মাই জনোৱা আহ্বানক প্ৰশংসনীয় আৰু দূৰদৰ্শী চিন্তাৰে পৰিপুষ্ট আখ্যা দিছে কলিতাই (Bhabesh Kalita on withdrawal PSO) ৷
মুখ্যমন্ত্ৰীলৈ প্ৰেৰণ কৰা পত্ৰখনত তেওঁ ভাৰতীয় জনতা পাৰ্টীক ত্যাগ আৰু সমৰ্পণৰ ওপৰত প্ৰতিষ্ঠিত ৰাজনৈতিক দল বুলি আখ্যা দিছে ৷ মুখ্যমন্ত্ৰী শৰ্মাৰ চৰকাৰে ৰাজ্যত আস্থা আৰু নিৰাপত্তাৰ এক নতুন পৰিৱেশ গঢ়ি তোলা বুলিও উল্লেখ কৰিছে কলিতাই ৷
পত্ৰখনত তেওঁ বিগত 25 ডিচেম্বৰত মুখ্যমন্ত্ৰীগৰাকীয়ে জনোৱা আহ্বানৰ প্ৰতি সঁহাৰি জনাই দলটোৰ কাৰ্যকৰ্তাৰ লগত থকা পি এছ অ’ প্ৰত্যাহাৰ কৰিবলৈ দলৰ ফালৰ পৰা আহ্বান জনাইছে ৷ মুখ্যমন্ত্ৰী ড৹ হিমন্ত বিশ্ব শৰ্মাক এই পত্ৰ দিয়াৰ সময়ত ভৱেশ কলিতাৰ লগত উপস্থিত আছিল তেজপুৰৰ সাংসদ পল্লৱলোচন দাস ৷ মুখ্যমন্ত্ৰী ড৹ শৰ্মাই টুইটাৰৰ জৰিয়তে এই কথা প্ৰকাশ কৰাৰ লগতে ফটো শ্বেয়াৰ কৰিছে ৷
লগতে পঢ়ক :শীঘ্ৰেই প্ৰকাশ পাব ড৹ হিমন্ত বিশ্ব শৰ্মাৰ নৱতম গ্ৰন্থ 'মুখ্যমন্ত্ৰীৰ ডায়েৰী'
