আজমল ফাউণ্ডেচন বিতৰ্কঃ মুখ্যমন্ত্ৰীক সাক্ষাৎ বদৰুদ্দিন আজমলৰ

শাসকীয় দল বিজেপিয়ে আজমল ফাউণ্ডেচনলৈ সন্ত্ৰাসবাদী সংগঠনৰে সম্পৰ্ক থকা সংস্থাৰ পৰা ধন অহাৰ অভিযোগ উত্থাপন কৰি সাংসদ মৌলানা বদৰুদ্দিন আজমলক সমালোচনাৰে থকা সৰকা কৰে ৷ এই অভিযোগৰ পাচতে বিষয়টো প্ৰসংগত বুধবাৰে সাংসদগৰাকীয়ে সাক্ষাৎ কৰে মুখ্যমন্ত্ৰী সৰ্বানন্দ সোণোৱালক ৷

গুৱাহাটী, 17 ডিচেম্বৰ: সাংসদ মৌলানা বদৰুদ্দিন আজমল আৰু তেখেতৰ স্বেচ্ছাসেৱী সংগঠনৰ বিৰুদ্ধে শাসকীয় দল বিজেপিয়ে নানান অভিযোগ উত্থাপন কৰিছে ৷ বিশেষকৈ মন্ত্ৰী ড০ হিমন্ত বিশ্ব শৰ্মাই মৌলানা বদৰুদ্দিন আজমলক সমালোচনাৰে থকা সৰকা কৰাৰ পাচতে শংকাত ভূগিছে আজমল ৷

আজমল ফাউণ্ডেচন বিতৰ্ক, মুখ্যমন্ত্ৰীক সাক্ষাৎ বদৰুদ্দিন আজমলৰ

নিৰাপত্তাৰ ক্ষেত্ৰতো যথেষ্ট শংকিত হৈ সাংসদগৰাকীয়ে বুধবাৰে সাক্ষাৎ কৰে মুখ্যমন্ত্ৰী সৰ্বানন্দ সোণোৱালক ৷ সন্ত্ৰাসবাদী সংগঠনৰে সম্পৰ্ক থকা সংস্থাৰ পৰা ধন অহা অভিযোগৰ পূংখানুপূংখ তদন্ত কৰিবলৈ মুখ্যমন্ত্ৰী সৰ্বানন্দ সোণোৱালক আহ্বান জনায় সাংসদ আজমলে ৷

কেৱল ইমানেই নহয় মুখ্যমন্ত্ৰীৰ তদন্তকাৰী গোটৰ দ্বাৰাও ইয়াৰ সত্য-সত্যতা পৰীক্ষা কৰিবলৈও অনুৰোধ জনালে সাংসদ মৌলানা বদৰুদ্দিন আজমলে । উল্লেখ্য যে, মুখ্যমন্ত্ৰীক সাক্ষাতৰ সময়চোৱাত সাংসদগৰাকীৰ লগত এআইইউডিএফ আৰু অসম ৰাজ্যিক জমিয়ত উলেমাৰ নেতৃত্ববৃন্দ উপস্থিত থাকে ৷

লগতে পঢ়ক:জনতাৰ দৃষ্টি এতিয়া বি টি আৰ চুক্তিৰ ৰূপায়ণ পৰ্বত