দিপৰ বিল জনাঞ্চলত হাতীৰ মুক্ত বিচৰণ

খাদ্যৰ সন্ধানত প্ৰতিদিনে জনাঞ্চললৈ ওলাই আহে বন্যহস্তীৰ দল

কামৰূপ, 28 মাৰ্চঃ বনাঞ্চল এৰি জনাঞ্চলত হাতীৰ প্ৰৱেশ ৷ দিপৰ বিলৰ সমীপৰ জনাঞ্চলত বুধবাৰেনিশা এটা হাতীৰ মুক্ত বিচৰণে ৰাইজক আতংকিত কৰি তোলে । জানিব পৰা মতে খাদ্যৰ সন্ধানত প্ৰতিদিনে এনেদৰেই জনাঞ্চললৈ ওলাই আহে বন্যহস্তী ।

হাতীটোৰ উপস্থিতিত শংকিত হৈ পৰা একাংশ ৰাইজে পৰৱৰ্ত্তী সময়ত জনাঞ্চলৰ পৰা খেদি পঠিয়াই হাতীটো । স্থানীয় ৰাইজে জনোৱা মতে দিপৰ বিলৰ ৰেল লাইনত প্ৰায়ে এনেদৰেই বিচৰণ কৰে হাতীয়ে । উল্লেখ্য যে অঞ্চলটোত থকা কলগছ খাই যদিও কোনো বিশেষ অনিষ্ট নকৰে বন্যহস্তীয়ে।