সাৱধানঃ কটকটীয়া তালাচীত অসম আৰক্ষী

দিনে-নিশাই কটকটীয়া তালাচীত ব্যস্ত অসম আৰক্ষী ৷ লক ডাউন অমান্য কৰি ঘৰৰ পৰা বাহিৰ ওলালেই বিহিত ব্যৱস্থা ল'ব আৰক্ষী প্ৰশাসনে ৷

গুৱাহাটী, 17 এপ্ৰিলঃমহানগৰীৰ ক্ষেত্ৰীৰ থানাৰ আৰক্ষীয়ে টোপাতলীত আৰম্ভ কৰিছে কটকটীয়া তালাচী অভিযান । লক-ডাউন সফল কৰাৰ বাবে এই অভিযান আৰক্ষীৰ ৷

গুৱাহাটী মহানগৰীৰ ক্ষেত্ৰী আৰক্ষী থানাৰ আৰক্ষীয়ে লক-ডাউন সম্পূৰ্ণ সফল কৰাৰ বাবে ক্ষেত্ৰীৰ টোপাতলীত আৰম্ভ কৰিছে কটকটীয়া তালাচী অভিযান । ভাৰত চৰকাৰৰ লক-ডাউন নিৰ্দেশনাৰ প্ৰতিটো নিয়ম সফল কৰিবলৈ ক্ষেত্ৰী আৰক্ষীয়ে উজনি পৰা গুৱাহাটী অভিমুখী অহা প্ৰতিখন বাহন তন্ন-তন্ন কৈ তালাচী কৰে ৷ তাৰোপৰি অত্যাৱশ্যকীয় সেৱাত নিয়োজিত বাহন সমূহৰ নথি পৰীক্ষা কৰি সেই গাড়ী সমূহৰ সবিশেষ তথ্য সংগ্ৰহও কৰিছে আৰক্ষী। এই বিষয়টো পৰ্যবেক্ষণ কৰাৰ বাবে উক্ত স্থানত আৰক্ষী বিষয়া সুভাষিণী শংকৰণ উপস্থিত হৈ সমগ্ৰ বিষয়টো পৰ্যালোচনা কৰে ।

লগতে পঢ়ক- শিৱসাগৰত ছোৱাইন ফিভাৰত মৃত্যু কেইবাশতাধিক গাহৰিৰ