গুৱাহাটী, 23 ছেপ্তেম্বৰ : নিষিদ্ধ ড্ৰাগছ(Drugs)ৰ বিৰুদ্ধে চলি থকা অভিযানৰ মাজতে এইবাৰ দালালৰাজৰ(Land Broker) ওপৰত ৰঙা চকু অসম আৰক্ষী(Assam Police)ৰ ৷ মুখ্যমন্ত্ৰী ড৹ হিমন্ত বিশ্ব শৰ্মা(Himanta Biswa Sarma)ৰ নিৰ্দেশমৰ্মে সমগ্ৰ ৰাজ্যজুৰি চলা মাটিৰ দালাল বিৰোধী অভিযান অধিক তীব্ৰতৰ হৈ উঠিছে গুৱাহাটী মহানগৰীতো ।
আৰক্ষীৰ জালত পৰিছে ইটোৰ পাচত সিটো ভূ-মাফিয়া । মহানগৰীৰ ভিন্ন প্ৰান্তৰ লগতে বুধবাৰে নিশা সাতগাঁৱৰ নোৱাপাৰাৰ চাইনী হেভেন নামৰ আৱাসিক ফ্লেটৰ পৰা স্বয়ম্ভূ আমছু(AAMSU)ৰ সভাপতিক আটক কৰে আৰক্ষীয়ে ৷ মাটিৰ দালাল কাৰ্যত জড়িত থকাৰ অভিযোগত ইকবাল হুছেইন নামৰ আমছুৰ সভাপতিজনক আটক কৰে সাতগাঁও আৰক্ষী(Satgaon Police)য়ে ৷
আমছুৰ স্বয়ম্ভূ সভাপতি ইকবাল হুছেইনক আটক লগতে পঢ়ক:Operation মাটিৰ দালাল: মুছলপুৰ-বৰমাত আটক 11 টা মাটিৰ দালাল
সভাপতি ইকবাল হুছেইনৰ বিৰুদ্ধে হোজাই থানাত ভাৰতীয় দণ্ডবিধিৰ 120(B)/406/409/420/468/47 ধাৰাৰ অধীনত 635/21 নম্বৰত গোচৰ ৰুজু কৰা হৈছিল । আৰক্ষীয়ে সদৰী কৰা মতে, শয়ম্ভু আমছুৰ নেতাজনে মুখ্যমন্ত্ৰী ড৹ হিমন্ত বিশ্ব শৰ্মাৰ ঘনিষ্ঠ বুলি কৈ হোজাই অঞ্চলত বিভিন্ন লোকৰ মাটি দখল কৰি বিক্ৰী কৰি আহিছিল ।
আনকি মাটিৰ দালালি কাৰ্যত জড়িত থকাৰ বাবে আমছুৰ পৰা ইকবাল আহমেদক বহিষ্কাৰ কৰা হৈছিল । কিন্তু ভুলৰ শুধৰণি নকৰা ইকবাল হুছেইনে নিজকে আমছুৰ শয়ম্ভূ সভাপতি বুলি উল্লেখ কৰি বিভিন্ন দুষ্কাৰ্যত লিপ্ত হৈ পৰিছিল । ইকবালৰ বিৰুদ্ধে হোজাই থানাত গোচৰ ৰুজু হোৱাৰ পাচতেই আটকৰ পূৰ্বে তেওঁ গুৱাহাটীত আত্মগোপন কৰি আছিল বুলি আৰক্ষীয়ে সদৰী কৰে ৷
লগতে পঢ়ক:ভূ-মাফিয়া আৰক্ষীৰ জালত পৰাৰ পাছতে বুকু দুৰু দুৰু কঁপিছে ৰৌ-বৰালীৰ
