যোৰহাট চিকিৎসা মহাবিদ্যালয়ত গোলাঘাটৰ ৰোগীৰ ভিৰ

কেৱল শালমৰাতে নহয় গোলাঘাট উষা গৰঙা,আৰু বৰহোলাতো কেইবাজনো লোকৰ অৱস্থা সংকটজনক

যোৰহাট,২২ফেব্ৰুৱাৰীঃ বিষাক্ত সুৰা সেৱন কৰি গোলাঘাটৰ শালমৰা চাহ বাগিচাৰ প্ৰায় অৰ্ধশতাধিক লোক চিকিৎসাধীন হৈ আছে । সুৰা পান কৰি মৃত্যু হোৱা লোকৰ সংখ্যা ইতিমধ্যে৩৭ জনলৈ বৃদ্ধি পাইছে।

কেৱল শালমৰাতে নহয় গোলাঘাট উষা গৰঙা,আৰু বৰহোলাতো কেইবাজনো লোকৰ অৱস্থা সংকটজনক। ইতিমধ্যে কেইবাজনো লোকক সংকটজনক অৱস্থাত গোলাঘাটৰ পৰা যোৰহাট চিকিৎসা মহাবিদ্যালয়লৈ স্থানান্তৰিত কৰা হৈছে। যোৰহাট চিকিৎসা মহাবিদ্যালয়ত প্ৰায় ৪০ জন লোকক চিকিৎসা প্ৰদান কৰা হৈছে আৰু বৰ্তমান সকলো ৰোগী সংকটমুক্ত বুলি জানিব পৰা গৈছে।