যোৰহাটত পথ দুৰ্ঘটনাত থিতাতে নিহত দুই যুৱক

যোৰহাটৰ নেউলগাঁৱত সংঘটিত এক পথ দুৰ্ঘটনাত থিতাতে নিহত হয় দুজন যুৱক ৷ যুৱক দুজন সম্পৰ্কত ককাই-ভাই ৷ পাৰ্কুপাইন কঢ়িয়াই অনা ডাম্পাৰ মথাউৰিৰ পৰা বাগৰি পৰাৰ ফলত সংঘটিত হয় দুৰ্ঘটনাটো ৷

যোৰহাট,29 এপ্ৰিলঃ এক শোকাবহ পথ দুৰ্ঘটনাই বুধবাৰে প্ৰাণ কাঢ়ে দুজনৰ ৷ যোৰহাটৰ নেউলগাঁৱত সংঘটিত হয় উক্ত পথ দুৰ্ঘটনা ৷ ঘটনাৰ বিৱৰণী অনুসৰি,পাৰ্কুপাইন কঢ়িয়াই অনা এখন ডাম্পাৰ মথাউৰিৰ পৰা বাগৰি পৰাৰ ফলত দুৰ্ঘটনাটো সংঘটিত হয় ৷ ফলত থিতাতে নিহত হয় দুজন যুৱক ৷ মৃত যুৱক দুজন নিমাতীঘাটৰ ৰিংকু দাস আৰু পিংকু দাস বুলি জানিব পৰা গৈছে ৷ নিহত যুৱকদ্বয় সম্পৰ্কত ককাই-ভাই ৷

আনহাতে, দুৰ্ঘটনাত পতিত হোৱা ডাম্পাৰখনৰ নম্বৰ হৈছে এ এছ 03 এ চি 4766 ৷ সমাগত বাৰিষাৰ প্ৰতি লক্ষ্য ৰাখি ব্ৰহ্মপুত্ৰৰ খহনীয়া ৰোধৰ বাবে নেউলগাঁৱলৈ লৈ যোৱা হৈছিল এই পাৰ্কুপাইনসমূহ ৷ যুৱকদ্বয়ৰ মৃত্যুত নিমাতীঘাটত শোকৰ ছাঁ পৰে ৷

লগতে চাওকঃপ্লাজমা থেৰাপিৰ ক্লিনিকেল পৰীক্ষণ সম্পন্ন কৰিবলৈ সাজু এইমছ