যোৰহাট আৰক্ষীৰ জালত গাড়ী চালকসহ দুই ভুৱা চিকিৎসক

উল্লেখ্য যে, ডাঃ প্ৰিঞ্চ বৰা শইকীয়া নামৰ এটা ভুৱা ফেচবুক একাউন্ট খুলিছিল দুই ভুৱা চিকিৎসকে ৷ ইতিমধ্যে, যুৱক দুজনে ভাড়ালৈ অনা এখন চুইফট ডিজায়াৰ গাড়ীৰ লগতে চিকিৎসকৰ বহু সামগ্ৰী জব্দ কৰিছে আৰক্ষীয়ে ৷ যুৱক দুজনে প্ৰয়াস নামৰ স্বেচ্ছাসেবী সংগঠনৰ সদস্য বুলি নিজকে পৰিচয় দিয়া বুলিও জানিবলৈ দিয়ে আৰক্ষীয়ে ৷

যোৰহাট, 8 এপ্ৰিলঃসমগ্ৰ বিশ্বতে কৰ'ণা ভাইৰাছে সন্ত্ৰাস সৃষ্টি কৰাৰ সময়তে যোৰহাটৰ পুলিবৰ আৰক্ষীৰ জালত পৰিল গাড়ী চালকসহ দুই ভুৱা চিকিৎসক ৷ জানিব পৰা মতে, যোৰহাটৰ বিভিন্ন গাঁৱে গাঁৱে গৈ ৰাইজৰ স্বাস্থ্য পৰীক্ষা কৰিছিল ভূৱা চিকিৎসকৰ দলটোৱে ৷ আটকাধীন ভুৱা চিকিৎসকদ্বয় তিতাবৰৰ ঢেকীয়াজুলি কহাঁৰ গাঁৱৰ বিশ্বজ্যোতি দত্ত আৰু ২ নং শেনচোৱা গাঁৱৰ উজ্জ্বল বৰা আৰু গাড়ী চালকজন দিগন্ত নেওগ বুলি জানিবলৈ দিয়ে আৰক্ষীয়ে ৷

উল্লেখ্য যে, ডাঃ প্ৰিঞ্চ বৰা শইকীয়া নামৰ এটা ভুৱা ফেচবুক একাউন্ট খুলিছিল দুই ভুৱা চিকিৎসকে ৷ ইতিমধ্যে, যুৱক দুজনে ভাড়ালৈ অনা এখন চুইফট ডিজায়াৰ গাড়ীৰ লগতে চিকিৎসকৰ বহু সামগ্ৰী জব্দ কৰিছে আৰক্ষীয়ে ৷ যুৱক দুজনে প্ৰয়াস নামৰ স্বেচ্ছাসেবী সংগঠনৰ সদস্য বুলি নিজকে পৰিচয় দিয়া বুলিও জানিবলৈ দিয়ে আৰক্ষীয়ে ৷ কেৱল যোৰহাটতে নহয় গোলাঘাটতো ৰাইজৰ স্বাস্থ্য পৰীক্ষা কৰিছিল এই দলটোৱে ৷ আনহাতে জানিব পৰা মতে, ইয়াৰ পূৰ্বেও লকডাউনৰ সময়চোৱাত চৰকাৰী বিষয়াৰ ভেশ লৈ যোৰহাটৰ বিভিন্ন প্ৰতিষ্ঠানত ধপাত জাতীয় সামগ্রীৰ বিৰুদ্ধে অভিযান চলাইছিল যুৱক দুজনে ৷ ব্যৱসায়ী সকলৰ সন্দেহ হোৱাত পুলিবৰ আৰক্ষীক এই বিষয়ে অৱগত কৰাত পুলিবৰ আৰক্ষীয়ে দুজনকে আটক কৰে যদিও পিছত ব্যৱসায়ীসকলৰ সৈতে বুজাবুজি কৰি মুকলি হৈ আহে যুৱকদ্বয় ৷ ইয়াৰ পিছতে দলটোৰ নিজৰ মাজতে মতানৈক্য ঘটাত, দলটোৰ এজন সদস্যই ফাদিল কৰি দিয়ে সকলো কথা ৷